🍉શા માટે તરબૂચ રાત્રે ન ખાવું જોઈએ?? જાણો તેને ખાવાનો યોગ્ય સમય અને રીત કઈ છે

તરબૂચ ઉનાળામાં જરૂરી છે. કોઈ એવા વ્યક્તિને શોધવા મુશ્કેલ થશે જેને તરબૂચ ખાવાનું પસંદ ન હોય. મીઠું અને રસદાર ઉનાળુ ફળ આજકાલ બજારમાં ઉપલબ્ધ છે અને તમારી તરસ છીપાવવા માટે એક વિકલ્પ પણ હોઈ શકે છે. તેટલું જ નહીં, તરબૂચથી ઘણા બધા સ્વાસ્થ્ય લાભો પણ થાય છે. તે સ્વાભાવીક રૂપે પાણીની માત્રા, એક શક્તિશાળી પોષક તત્વ, પોટેશિયમ અને લાઈકોપીન જેવા ખનીજોથી ભરેલ છે.

તરબૂચ એક એવું ફળ છે જે ઉનાળામાં હંમેશા કેરીની સાથે આવે છે. એવા ઘણા લોકો છે જે ઉનાળામાં તરબૂચની રાહ જુએ છે કેમકે આ ફળમાં પાણીની માત્રા વધારે હોય છે જે લોકોને હાઇડ્રેટેડ રાખવામાં મદદ કરે છે. તે ફક્ત ગરમીને હરાવવા માટે જ મદદરૂપ નથી પરંતુ વધારે પૌષ્ટિક પણ હોય છે. તરબૂચ ગર્ભવતી સ્ત્રીઓ અથવા ખૂબ ખીલ વાળા લોકો માટે ઘણું ફાયદાકારક માનવામાં આવે છે કેમકે તે શરીરને હાઇડ્રેટેડ રાખે છે અને પોટેશિયમથી ભરેલ છે. તરબૂચ તે લોકો માટે પણ મદદરૂપ છે જે વજન ઓછું કરવા ઈચ્છે છે પરંતુ સ્વાદ સાથે સમાધાન કરતાં નથી.

તરબૂચ ખાવાના સ્વાસ્થ્ય ફાયદાઓ :

રસદાર લાલ ફળ સ્નાયુઓમાં દુખાવાની સંભાવનાને ઓછી કરી અને દૂર કરવા માટે પણ ઓળખવામાં આવે છે. તે હદય સ્વાસ્થ્યમાં સુધારો કરે છે અને તેમાં ઘણા એવા તત્વ પણ હોઈ શકે છે જેમાં કેન્સર સામે લડવાના ગુણ હોય છે.

ખાસકરીને ગર્ભવતી સ્ત્રીઓને નિયમિત રીતે તરબૂચ ખાવાની સલાહ આપવામાં આવે છે. તેની ઉચ્ચ જળ સામગ્રી (92 % ) ની સાથે તે ગર્ભાવસ્થાના સોજા અને મોર્નિંગ સિકનેસને પણ ઓછા કરે છે. આ ઉપરાંત તેના બી પણ ખૂબ હેલ્ધી છે.

Image Source

તરબૂચ ખાવાની સૌથી સ્વસ્થ રીત :

કોઈ આશ્ચર્યની વાત નથી કે આટલા બધા સ્વાસ્થ્ય લાભો સાથે, આ એક એવું ફળ નથી કે જેને તમે આ સિઝનમાં અવગણી ન શકો. જો કે, શું તમે જાણો છો કે કેટલીકવાર જો ખોટી રીતે ખાવામાં આવે તો ફળ તમારા સ્વાસ્થ્યને જોખમમાં મૂકી શકે છે?

Image Source

રાત્રિના સમયે તરબૂચ કેમ ખાવું જોઈએ નહીં ? :

જોકે તરબૂચ કુદરતી શીતક છે અને ઘણા ફાયદાઓ પૂરા પાડે છે, આપણામાંથી ઘણા લોકો ભોજનની વચ્ચે ફળો ખાઈએ છીએ અથવા કેટલાક લોકો તેને રાત્રે સૂતા પહેલા રાતના નાસ્તા તરીકે લેવાનું પસંદ કરે છે. આ એવી વસ્તુ છે જે ખરેખર કોઈને મુશ્કેલીમાં મૂકી શકે છે. રાત્રે તરબૂચનું સેવન કરવાથી ઘણી સ્વાસ્થ્ય સમસ્યાઓ થઈ શકે છે.

તે તમારા પેટને અસ્વસ્થ કરી શકે છે:

આપણું પાચન સાંજ પછી ધીમુ પડી જાય છે અને સવારમાં સૌથી વધુ સક્રિય હોય છે અને આ કારણોસર હંમેશા સલાહ આપવામાં આવે છે કે તમે તમારું રાત્રિભોજન હળવું અને સરળ રાખો. તરબૂચ તેના ઉચ્ચ પાણી અને એસિડિક સામગ્રી સાથે તમારા પાચનને અસ્વસ્થ કરી શકે છે અને પેટની પરેશાનીનું કારણ બની શકે છે. કેટલાક કિસ્સાઓમાં તે આંતરડામાં બળતરા પણ ઉત્પન્ન કરી શકે છે.

તેમાં હાઇ શુગર હોય છે :

તરબૂચમાં ઘણી માત્રામાં પ્રાકૃતિક શુગર હોય છે. રાત્રિના સમયે ખાંડથી બચવું સૌથી ઉતમ છે કેમકે તે વજન વધારવાને પણ પ્રોત્સાહન આપી શકે છે, જોકે વજન વધે તે કોઈપણ ઈચ્છતું નથી. આ ઉપરાંત બજારમાં ઘણા ફળોને તેની મીઠાશ વધારવા માટે રસાયણો સાથે ભેળવી શકાય છે, જે સ્વાસ્થ્ય માટે ખરાબ છે.

વારંવાર બાથરૂમ જવું પડે છે :

તરબૂચમાં 92 ટકા પાણી હોય છે જોકે તે ઉનાળામાં તમારા હાઈડ્રેશન બ્લુઝનો ઉકેલ લાવે છે. રાત્રિના સમયે તરબૂચ ખાવાથી તમારે વારંવાર બાથરૂમ જવાની જરૂર પડી શકે છે. તેનાથી તમારી ઊંઘમાં ખલેલ પહોંચી શકે છે. ઘણા કેસમાં જો તરબૂચ નિયંત્રણમાં ખાવામાં આવતું નથી, તો વોટર રીટેન્શન ની સમસ્યા થઈ શકે છે, જેનાથી સોજા પણ થઈ શકે છે.

તરબૂચ ખાવાની સૌથી ઉતમ રીત કઈ છે ? :

તેમાં કોઈપણ શંકા નથી કે તરબૂચ તમારા માટે સ્વાસ્થ્યપ્રદ ફળોમાંથી એક છે. જોકે પૂરતી માત્રામાં અને વધારે ફાયદા મેળવવા માટે દિવસમાં આ લાલ ફળને ખાવાનો પ્રયત્ન કરવો જોઈએ. હકીકતમાં તે તમારા નાસ્તા માટે સૌથી સારી વસ્તુઓમાંથી એક હોઈ શકે છે. ફળ ખાધા પછી ઓછામાં ઓછી 30-45 મિનિટ સુધી પાણી પીવાથી બચવું.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team