KGF : ચેપ્ટર – ૧ ફિલ્મ દ્વારા જબરદસ્ત પ્રસિધ્ધી મેળવનાર સાઉથ સુપરસ્ટાર યશના જન્મદિવસે ડાયરેક્ટર પ્રશાંત નીલ દ્વારા KGF : ચેપ્ટર – ૨નું પોસ્ટર રિલીઝ કરવામાં આવ્યું. મૂળે કન્નડ ફિલ્મ KGFનો પહેલો ભાગ ૨૦૧૯મા રિલીઝ થયો હતો. આ બ્લોકબસ્ટર ફિલ્મની ચર્ચા માત્ર સાઉથ પૂરતી સીમિત ન રહેતા, વિશ્વભરમાં તેને પ્રશંસા મળી હતી.
યશનો એકદમ હટકે લૂક —
KGFમા સુપરસ્ટાર યશનો દાઢીવાળો લૂક લોકોને ખુબ પસંદ આવ્યો હતો. ફિલ્મમાં તેનું નામ રોકી છે, જે પોતે મુંબઈનો અંડરવર્લ્ડ ડોન છે અને સોનાની ખાણોમાં કામ કરતા મજૂરોની બદતર જિંદગી માટે જવાબદાર માફિયાઓના સામ્રાજ્ય સામે લડે છે. હિન્દીમાં ડબિંગ થયેલી ફિલ્મને લાખો લોકોએ નિહાળી હતી અને હવે તેના બીજા ભાગની લોકો આતુરતાપૂર્વક રાહ જોઈ રહ્યા છે.
પપ્પા આજે પણ છે ડ્રાઇવર —
નવીનકુમાર ગોડવાને ફિલ્મ ઇન્ડસ્ટ્રીમાં યશ નામ મળ્યું છે. આજે તે કરોડોની સંપતિનો માલિક છે. ફિલ્મ KGF દ્વારા કન્નડ ફિલ્મને એક નવી ઉંચાઈ આપી છે. તમને જાણીને આશ્વર્ય થશે કે યશ(નવીનકુમાર ગોડવા)ના પિતા આજે પણ ડ્રાઇવરનું કામ કરે છે!
હક્કીકત એ છે, કે આ ધંધો કરીને જ તેમણે યશને અહીં સુધી પહોંચાડ્યો છે, યશને મોટો કર્યો છે. આજે યશ જે કંઈ છે તેમાં તેના પિતાનો ફાળો મહત્ત્વપૂર્ણ છે. હજુ તેઓ ડ્રાઇવરનાં કામને છોડવા નથી માંગતા. તેમના મત મુજબ આ પેશનને લીધે જ યશને સફળતા મળી છે.
બાહુબલીના ડાયરેક્ટર એસ.એસ.રાજમૌલી એક ઇન્ટરવ્યૂમાં જણાવે છે કે, મને આશ્વર્ય થાય છે કે યશના પિતા ડ્રાઇવર છે. એમણે એના પુત્ર માટે ઘણું કર્યું. મારા માટે એ સાચા હિરો છે!
બ્યુટીફુલ બેબીનો પિતા છે યશ —
ઉલ્લેખનીય છે, કે યશનાં લગ્ન રાધિકા પંડિત સાથે થયાં છે. આજે તેમને સંતાનમાં એક નાની દીકરી છે. અનેક ફિલ્મોમાં કામ કરીને આજે યશ સાઉથનો સુપરસ્ટાર બની ચૂક્યો છે. તેમની મેગા ફિલ્મ KGFનો બીજો ભાગ જુલાઇ,૨૦૨૦માં રિલીઝ થવાનું કહેવાય છે.
અવાજ સરસ લેખો અથવા આવનારા પાર્ટ ની અપડેટ માટે અમારા ફેસબુક પેજને લાઈક કરી સાથે સાથે FOLLOWING માં જઈ see first કરજો એટલે તમને તરત અપડેટ મળશે.
નોંધ : આ લખાણ ની કોપી કરતા પહેલા અમારી લેખિત મંજુરી લેવી જરૂરી છે.
Author : Shivani & FaktGujarati Team