🛕જાણો, મહારાષ્ટ્ર રાજ્યના મુખ્ય ધાર્મિક સ્થળ શિરડીના 10 સૌથી ખાસ દર્શનીય સ્થળો વિશે

શિરડી ભારતના મહારાષ્ટ્ર રાજ્યનું એક મુખ્ય ધાર્મિક સ્થળ છે જે નાસિક પાસે આવેલ છે. તે સાઈની ભૂમિના નામે પ્રખ્યાત છે. શિરડી મહાન સંત સાઈ બાબાનું ઘર છે જ્યાં પ્રખ્યાત સાઈ બાબા મંદિર અને કેટલાક ઐતિહાસિક સ્થળો ઉપરાંત અલગ અલગ મંદિર બનેલા છે. મહારાષ્ટ્રના અહમદનગર જિલ્લામાં આવેલ શિરડી સાઈ બાબાના ભકતો માટે એક ખૂબજ પવિત્ર અને તીર્થ સ્થળ છે, જ્યાં દર વર્ષે મોટી સંખ્યામાં ભક્તો દર્શન કરવા માટે આવે છે. એક નાનું શહેર હોવા છતાં પણ શિરડી ધાર્મિક સ્થળ અને ગતિવિધિઓથી ઘેરાયેલું છે જે અહી દર્શન માટે આવતા લોકોને ખૂબજ શાંતિ આપે છે. શિરડીમાં શ્રી સાઈબાબા મંદિર ઉપરાંત તીર્થયાત્રી ઘણા ધાર્મિક સ્થળ જોઈ શકો છો, શિરડીમાં દર્શનીય સ્થળો માટે મુખ્ય સ્થળ છે ચાવડી, સમાધિ મંદિર અને વેટ એન જોય વોટર પાર્ક. શિરડીમાં મુખ્ય રિસોર્ટમાંથી એક છે નીરસાગા કોટેજ રિસોર્ટ.

1. શિરડી સાઈબાબાનો ઇતિહાસ – શિરડીના સાંઇબાબા એક ધાર્મિક ગુરૂ હતા જે 1918 સુધી શિરડીમાં રહ્યા હતા. સાઈબાબાને હિન્દુ અને મુસ્લિમ બંને માટે એક સારા ગુરુ અને પવિત્ર વ્યક્તિ માનવામાં આવતા હતા. શિરડીના સાંઈબાબાએ દરેક ધર્મને એક જણાવ્યા અને હિન્દુ-મુસ્લિમ ધર્મ વચ્ચે બિલ્ટ ઈન એકતા દર્શાવવાની પ્રયત્ન કરી. સાઈબાબાની સૌથી ખાસ વાતમાંથી એક ‘સબકા માલિક એક’ જે ખૂબ પ્રખ્યાત છે.

2. શ્રી સાઈબાબા સંસ્થાન મંદિર શિરડી – શ્રી સાઈબાબા સંસ્થાન મંદિર ભારતમાં મહારાષ્ટ્રના શિરડીમાં એક મુખ્ય ધાર્મિક સ્થળ છે, જે શ્રી સાઈબાબાને સમર્પિત છે. જણાવી દઈએ કે સાઈબાબાને ભારતની ભૂમિ પર જન્મ લેતા સૌથી મહાન સંતોમાંથી એક માનવામાં આવ્યા છે. જણાવવામાં આવે છે કે સાઈબાબાને અભૂતપૂર્વ શક્તિઓ પ્રાપ્ત હતી જેનો ઉપયોગ તે તેમના ભક્તોના દુઃખ દૂર કરવા માટે કરતા હતા.

આ મંદિરમાં સાઈબાબાને ભગવાનના રૂપે પૂજવામાં આવે છે અને તેના બધા ભકતો માટે એક પવિત્ર સ્થળ માનવામાં આવે છે. શ્રી સાઈબાબા મંદિર પરિસર લગભગ 200 વર્ગ મીટરના કુલ ક્ષેત્રમાં ફેલાયેલ એક ધાર્મિક સ્થળ છે કે શિરડી ગામના મધ્યમાં આવેલ છે. આ મંદિર દુનિયાભરથી આવતા ભક્તો માટે એક ખૂબજ મહત્વનું સ્થળ છે. તમને જણાવી દઈએ કે સાઈબાબા મંદિરમાં દરરોજ લગભગ 25000 ભકત દર્શન માટે આવે છે. તેહવાર અને અવસરમાં અહી દરરોજ 1,00,000 ભક્તોની સંખ્યા વધી જાય છે.

3. શિરડીના જોવાલાયક સ્થળો- શિરડી ભારતના મહારાષ્ટ્ર રાજ્યનું એક શહેર છે. તે સાઈની ભૂમિના નામે પ્રખ્યાત છે. શિરડીમાં જોવાલાયક સ્થળો માટે મુખ્ય સ્થળ છે શ્રી સાઈબાબા મંદિર, સમાધિ મંદિર, શનિ શિંગનાપુર, ચાવડી અને વેટ એન જોય વોટર પાર્ક. શિરડીમાં મુખ્ય રિસોર્ટમાંથી એક છે નીરસાગા કોટેજ રિસોર્ટ.

3.1 શિરડી પાસે જોવાલાયક સ્થળ શનિ શિંગનાપુર – અહમદનગર જિલ્લામાં આવેલ શનિ શિંગનાપુર મંદિર એક સુંદર અને અલગ સ્થળ છે જે જાદુઈ અને શક્તિશાળી ભગવાન શિવ માટે પ્રખ્યાત છે. આ મંદિરમાં એક કાળો પથ્થર છે જેમાં શનિ ભગવાનનો વાસ માનવામાં આવે છે. શનિ ગ્રહનું પ્રતીક શનિ દેવને સ્વયંભૂ રૂપે ઓળખવામાં આવે છે. તમને જણાવી દઈએ કે આ મંદિરમાં કોઈ વાસ્તુશિલ્પ સુંદરતા નથી, પરંતુ તે છતાં પણ ભગવાનની આધ્યાત્મિક આભા સાથે તે સાધારણ કાળો પથ્થર દર વર્ષે ભક્તોને તેની તરફ આકર્ષિત કરે છે. શનિવાર, અમાવસ્થા અને શ્રી શનેશ્વર જયંતી જેવા કેટલાક ખાસ ધાર્મિક દિવસોમાં આ મંદિરમાં મોટી સંખ્યામાં શનિ દેવના ભકત આવે છે.

Image Source

3.2 શિરડીમાં જોવાલાયક સ્થળ દ્વારકામાઈ – શિરડી જતા ભકતો માટે દ્વારકામાઈ શિરડીના ખજાના સમાન છે. દ્વારકામાઈને શિરડીનું દિલ કેહવામા આવે છે, જણાવવામાં આવે છે કે આ સ્થળ પર મહાન સાઈબાબાએ તેના અંતિમ ક્ષણો સાથે તેના જીવનનો એક ખાસ સમય વિતાવ્યો હતો. દ્વારકામાઈ બાબા બધા ભકતો માટે એક ખજાના સમાન છે કેમકે તે તેનું ઘર હતું. શિરડી આવતા બધા ધર્મના લોકો સાઈબાબા મંદિરની સાથે દ્વારકામાઈના દર્શન કરે છે અને તેના આપેલ ઉપદેશ પર વિશ્વાસ કરે છે.

તમને જણાવી દઈએ કે પેહલા આ સ્થળ પર એક જીર્ણ મસ્જિદ હતી જે ઊંડા ખાડા અને ભાંગેલા ખંડેરો થી ઢંકાયેલી હતી, પરંતુ બાબાએ તેને એકદમ બદલી નાખી. અહીંની સૌથી ખાસ વાત એ છે કે દ્વારકામાઈ લગભગ એક મસ્જિદ છે, જેમાં એક મંદિર છે. આ મસ્જિદમાં પગ મૂકતા જ ભકત સાઈબાબાના આશીર્વાદથી ધન્ય થઈ જાય છે. જ્યારે તમે સાઈબાબાના તે ઘરમાં પ્રવેશ કરશો તો તમે જાતે હળવા અને શાંત અનુભવ કરશો.

3.3 શિરડીનું પ્રવાસ સ્થળ સમાધિ મંદિર – સમાધિ મંદિર નાગપુરના એક કરોડપતિ વ્યક્તિ ( જે સાઈબાબાના એક ભકત ) દ્વારા બનાવવામાં આવેલ એક ખૂબજ સુંદર મંદિર છે. આ મંદિરની ખાસ વાત એ છે કે આ મંદિરને સફેદ સંગેમરમરથી બનાવવામાં આવ્યું છે, જે બે મોટા સ્તંભો વચ્ચે આભૂષણોથી શણગાર છે.

Image Source

3.4 શિરડી પાસે જોવાલાયક સ્થળ ગુરુસ્થાન શિરડી – ગુરુસ્થાન શિરડી સૌથી ખાસ સ્થળમાંથી એક છે. આ સ્થળને એટલે ખાસ માનવામાં આવે છે કેમકે આ તે પવિત્ર સ્થળ છે જ્યાં સાઈબાબા પેહલી વાર 16 વર્ષના છોકરાના રૂપે દુનિયાની સામે પ્રગટ થયા હતા. આ સ્થળ કોપરગામમાં આવેલ છે, જે શિરડી શહેરથી લગભગ 14 કિલોમીટર દૂર આવેલ છે.

આ ખાસ સ્થળ એક લીમડાના વૃક્ષ નીચે આવેલ છે. જણાવી દઈએ કે અહી એક ધર્મસ્થળ પણ છે જેને સાઈબાબાના ચિત્રને એક શિવલિંગમ અને સામે નંદી બળદ સાથે રાખવામાં આવે છે. ગુરુસ્થાનનો અર્થ હોય છે – ગુરુનું સ્થાન. આ સ્થળ વિશે તેમ પણ કેહવામાં આવે છે કે અહી પર અગરબત્તી પ્રગટાવવાથી ભક્તોની બધી બીમારીઓ સારી થાય છે.

3.5 શિરડીમા જોવાલાયક સ્થળ ચાવડી – ચાવડી શિરડીના યાત્રા કરતા તીર્થ યાત્રીઓ દ્વારા ફરવામાં આવતું એક ખૂબજ ખાસ સ્થળ છે. આ સ્થળ વિશે જણાવવામાં આવે છે કે અહી સાઈબાબાએ તેના અંતિમ વર્ષો દરમિયાન કેટલીક રાત વિતાવી હતી. ચાવડી દ્વારકામાઈ મસ્જિદની પાસે આવેલ છે જ્યાંથી સાઈબાબાની શોભાયાત્રા તેના અનુયાયીઓ દ્વારા એક પાલકીમાં કાઢવામાં આવી હતી, તેથી સાઈબાબાના ભકત આ સ્થળને ખૂબ ખાસ માને છે.

Image Source

3.6 શિરડીનું ધાર્મિક સ્થળ ખંડોબા મંદિર- ખંડોબા મંદિર મુખ્ય માર્ગ પર આવેલ એક એવું મંદિર છે જે ખંડોબા, બાનઈ અને મલાઇસાઇના પ્રતીક સાથે આવેલ છે. શિરડીનું આ ખાસ મંદિર શહેરના પીઠાસીન દેવતા ખંડોબાને સમર્પિત છે. આ સ્થળને લઈને તેમ કેહવામાં આવે છે કે સાઈબાબા બીજીવાર લગ્નની પાર્ટી સાથે શિરડી આવ્યા અને તેમણે એક વડના વૃક્ષની નીચે પગ રાખ્યો. મ્હાલસાપતી નામના પુજારીએ સાઈબાબાના સૌથી પેહલા દર્શન કર્યા હતા. જણાવી દઈએ કે આ મંદિર ખંડોબાને સમર્પિત 13 સૌથી મુખ્ય મંદિરમાંથી એક છે.

Image Source

3.7 શિરડી પાસે ફરવાનું સ્થળ વેટ એન જોય વોટર પાર્ક – ભલે શિરડી સાંઈબાબાને સમર્પિત તેના તીર્થ માટે ઓળખવામાં આવે છે પરંતુ શિરડીમાં શિરડી વોટર પાર્ક પણ છે, જે અહી આવતા પ્રવાસીઓ વચ્ચે ખૂબજ લોકપ્રિય છે. શિરડી આવતા પ્રવાસીઓ આ વોટર પાર્કમાં આવીને પોતાને રાહત આપી શકે છે. ઉનાળાની ઋતુમાં આ સ્થળ પ્રવાસીઓને ખૂબજ રાહત પહોંચાડે છે. જો તમે તમારા પરિવાર અને મિત્રો સાથે શિરડી ફરવા જઈ રહ્યા છો તો વેટ એન જોય વોટર પાર્ક તમારી આ તીર્થ યાત્રાને મનોરંજક પણ બનાવી શકે છે. આ વોટરપાર્કમાં ઘણી રોમાંચક પ્રવૃત્તિઓ સાથે સ્વાદિષ્ટ ભોજન, ડ્રેસિંગ રૂમ અને લોકર પણ છે.

3.8 શિરડીમાં જોવા માટે ગુરુવાર પાલકી જુલૂસ – જ્યારે તેના છેલ્લા વર્ષોમાં સાઈબાબા ચાવડીમાં રાતો વિતાવતા હતા ત્યારે તેને દ્વારકામાઈ મસ્જિદથી પાલકી સરઘસમાં લઇ જવામાં આવતી હતી. આજે પણ દર ગુરુવારના દિવસે તે ઉત્સાહ અને માનતા સાથે સાઈબાબાનું સરઘસ કાઢવામાં આવે છે.

4. શિરડીમાં ફરવાનું સ્થળ સિટી શોપિંગ – શિરડી ભારતના સૌથી મુખ્ય તીર્થ સ્થળમાંથી એક છે, જ્યાં દરરોજ હજારો ભકતો સાઈબાબાના દર્શન કરવા માટે આવે છે. જો તમે શિરડી ફરવા માટે આવો છો તો અહી ગલીઓમાં ખરીદી કરી શકો છો. સાંઈ મંદિરની તરફ જતી ગલીઓમાં બાબાની સંગેમરમર અને ફાઇબરની મૂર્તિઓ, પોસ્ટર, ચાવીના જુડા, માળા વગેરે વસ્તુઓ મળે છે. અહીંની દુકાનો પર લાડુથી લઈને પેંડા સુધી અલગ અલગ મીઠાઈઓ પણ તમે ખરીદી શકો છો જે સાઈબાબાને પ્રસાદના રૂપે ચડાવવામાં આવે છે. આ બધી વસ્તુઓ ઉપરાંત સાઈ ભકત બાબાના જીવન અને તેના દર્શન સાથે જોડાયેલ ધાર્મિક પુસ્તકો પણ ખરીદી શકે છે.

5. શિરડી જવાનો સૌથી ઉત્તમ સમય – શિરડી ફરવા માટે શિયાળાનો સમય સૌથી ઉત્તમ હોય છે જે ડિસેમ્બરથી ફેબ્રુઆરી મહિના સુધી હોય છે. આ ઋતુ શિરડી જતા લોકો માટે મનામોહક હોય છે અને શિરડીના યાત્રા અને તેની આજુબાજુ જોવાલાયક સ્થળોનો આનંદ લેવાનો એક ખૂબજ સારો સમય છે. શિયાળાની ઋતુમાં શિરડીનું તાપમાન 8 ડિગ્રથી 34 ડિગ્રી સેલ્સિયસ વચ્ચે રહે છે.

6. શિરડીમાં રેસ્ટોરેન્ટ અને સ્થાનિક ભોજન – શિરડીમાં તમને અલગ-અલગ પ્રકારના ભોજન સરળતાથી મળી જાય છે. અહી ગુજરાતથી લઈને મહારાષ્ટ્ર, દક્ષિણ ભારતીય અને કોન્ટિનેન્ટલ સુધી દરેક પ્રકારનું ભોજન મળે છે. એક ધાર્મિક કેન્દ્ર હોવાને કારણે અહીં પીરસવામાં આવતા ભોજન સામાન્ય રીતે શાકાહારી હોય છે. અહી શહેરની ચારે તરફ સ્વાદિષ્ટ જમરૂખ અને દાડમના રસનો આનંદ તમારે જરૂર લેવો જોઈએ. અહીં દુનિયાના સૌથી મોટા સોલાર કુકરમાં બનાવવામાં આવતા ભોજનનો સ્વાદ લેવો તમારા માટે એક નવો અનુભવ બની શકે છે.

6.1 શિરડી ભોજનાલય – શિરડી ભોજનાલયમાં દુનિયાનું સૌથી મોટુ સોલાર કુકર સંચાલિત છે જે અહી રોજ આવતા હજારો ભકતો માટે ભોજન તૈયાર કરે છે. શિરડી આવતા દરેક પ્રવાસી ફક્ત 10 રૂપિયામાં ભોજન કરી શકે છે.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team