👪રાજકોટમાં આવેલું વૃદ્ધાશ્રમ જ્યાં ત્રણ યુવતીઓ નિઃશુલ્ક 150થી વધુ વડીલોની માતા-પિતા સમજીને કરે છે સેવા

આજે આપણે વાત કરીશું રાજકોટમાં આવેલા પીપળીયા ભવન સદભાવના વૃદ્ધાશ્રમની જ્યાં ત્રણ યુવતીઓ ભેગી થઈને 150 થી વધુ ઘરડા લોકો ની માતા પિતા સમજીને સેવા કરે છે.

સામાન્ય રીતે વૃદ્ધાશ્રમનું નામ આવે ત્યારે દુઃખી અને નિરાધાર વ્યક્તિઓ અને દયામણા ચહેરા આપણી આંખ સમક્ષ ઉભા થઈ જાય છે. પરંતુ રાજકોટમાં આવેલું આ વૃદ્ધાશ્રમ દરેક વૃદ્ધાશ્રમ થી એકદમ અલગ તરી આવે છે. અને અહીં મુખ્ય વાત એ છે કે અહીં રહેતા વડીલો પોતાનું ઘર છોડવાથી દુઃખી નહીં પરંતુ પહેલાં કરતાં વધુ સુખી અને પ્રસન્ન જોવા મળે છે.

અહીં રહેતી ત્રણ દીકરીઓ 280 વૃદ્ધ વડીલોની પોતાના માતા-પિતા સમજીને તેમની સેવા કરી રહી છે. આ ત્રણ યુવતીઓ એક અપેક્ષા બહેન છે તેમનું કહેવું છે કે તે આ સંસ્થા સાથે છેલ્લાં પાંચ વર્ષથી જોડાયેલી છે. અને આ સંસ્થાનું હેન્ડલિંગ આ 3 બહેનો કરે છે તેમાં અપેક્ષા બહેનની સાથે એકતા બહેન તથા ખુશી બહેન તેમનો સાથ આપે છે.

આ બહેનો એવા વડીલોને આ વૃદ્ધાશ્રમમાં રાખેલા છે જે સાવ પથારીવશ હોય અને તેમનાં સંતાનમાં માત્ર દીકરી જ હોય, જેઓ બિલકુલ એકલા રહે છે તથા તેમના લગ્ન થયા નથી અને જે નિસંતાન છે તેવા વૃદ્ધ વડીલોને અમે અહીં આશરો આપીએ છીએ. જેમને આખી જિંદગી કામ કરેલું છે પરંતુ હવે તેમનાથી કામ થતું નથી તેવા જ વડીલોને અહીં આશરો આપીએ છીએ.

ત્યાં જે બહેન છે તે પણ જણાવે છે કે અહીં અપેક્ષાબેન, ખુશીબેન અને એકતા બેન તમારું ખૂબ જ ધ્યાન રાખે છે અને અહીં રહેલો સ્ટાફ તમારું ખૂબ જ ધ્યાન રાખે છે અને સમય કરતાં પહેલાં જ અમને દરેક વસ્તુઓ લાવીને આપી દે છે.

પીપળીયા ભવન સદભાવના વૃદ્ધાશ્રમ માં અહીં રહેતા વડીલો પાસેથી એક પણ રૂપિયો લેવામાં આવતો નથી. આ વૃદ્ધાશ્રમમાં કુલ 140 રૂમ છે અને દરેક રૂમમાં ચાર વડીલો રહી શકે તેવી વ્યવસ્થા છે.

ત્યાં રહેતા વડીલો જણાવે છે કે અમને ઘર પણ બિલકુલ યાદ આવતું નથી. અને તે જણાવે છે કે હવે અમારે અમારા ઘરે જવું પણ નથી અમે અહીંથી જ ભગવાન ના ઘરે વિદાય થઈશું. અને આ વૃદ્ધાશ્રમમાં જેમના દીકરા હયાત હોય તેવા માતા-પિતાને અહીં રાખવામાં આવતા નથી જેથી વાસ્તવિક જરૂરિયાતવાળા વૃદ્ધને અહીં સ્થાન મળી શકે.

જમવામાં પણ બંને સમય મિષ્ટાન હોય છે અને સવારમાં ગરમ ગરમ નાસ્તો થેપલાં, પરોઠા બધું જ ગરમ ગરમ પીરસવામાં આવે છે. અને દરેક વડીલો એવું જ કહે છે કે અમને ઘરે જે મળતું નથી તે બધું જ અમને અહીં મળી રહે છે. વૃદ્ધાશ્રમ ના સ્થાપક અને સંચાલક વિજયભાઇ ડોબરીયા અનુસાર વૃદ્ધાશ્રમ ના સંચાલન ની પાછળ દર મહિને 15 લાખ રૂપિયાનો ખર્ચો થાય છે તેમાં દરેક વૃદ્ધના દવાથી લઇને જમવાનું બધું જ આવી જાય છે.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team