🍸જાણો, પાનનું શરબત પીવાના 10 આયુર્વેદિક ફાયદાઓ, જે હાથ પગની બળતરા પણ ઓછી કરે છે

જે લોકોને વારંવાર મોઢામાં ચાંદા પડતા હોય અથવા પીઠમાં ફોલ્લીઓ નીકળતી હોય તેમણે પાનનું શરબત પીવું જોઈએ. આ ઉપરાંત તેને પીવાના ઘણા સ્વાસ્થ્ય લાભો છે.

Image Source

પાન એ ભારતનું દેશી માઉથ ફ્રેશનર છે. આપણે અહી પાન ખોરાક લીધા પછી ચાવી ચાવીને ખાવામાં આવે છે. વાસ્તવમાં, પાનના પાંદડામાં એવા ગુણ હોય છે કે જેને ખાવાથી પહેલા તો મોં સાફ રહે છે, શ્વાસમાં દુર્ગંધ આવતી નથી અને તે ખોરાકને પચાવવામાં પણ મદદ કરે છે. પરંતુ આજે આપણે પાન ખાવાની વાત નહીં કરીએ પરંતુ તેનું શરબત બનાવીને પીવા વિશે વાત કરીશું. જી હા, પાનનું શરબત સ્વાસ્થ્યનો ખજાનો છે. જ્યા તે પાચન ઉત્સેચકોના ઉત્પાદનમાં વધારો કરે છે, તેમજ તે શરીરના પિત્તને શાંત કરવામાં મદદ કરે છે. આ સાથે તેનું વિટામિન સી પણ આપણને ચેપી રોગોથી બચાવવામાં મદદ કરે છે. આ ઉપરાંત ખાલી પેટે પાનનું શરબત પીવાના બીજા પણ કેટલાક ફાયદા છે. તો ચાલો જાણીએ પાનનું શરબત પીવાના આયુર્વેદિક ફાયદા.

• પાનનું શરબત પીવાના ફાયદા-

1.હાથ અને પગની બળતરા ઓછી કરે છે – હાથ પગની બળતરા પેટમાં ગરમી કે પિત્ત વધારે વધી જવાથી પણ થાય છે. આવી સ્થિતિમાં પાનના શરબતમાં રહેલા વિટામિન સી અને એન્ટીઓક્સીડેન્ટ પેટને ઠંડક આપવામાં મદદ કરે છે. તે શરીરના મુક્ત કણો, ઝેરી પદાર્થોથી છુટકારો મેળવવામાં મદદ કરે છે અને પેટના પીએચ સ્તરને સંતુલિત કરે છે. આ માટે તમારે માત્ર એટલું કરવાનું છે કે પાનને આખી રાત પાણીમાં પલાળી રાખો અને બીજા દિવસે સવારે તેને પીસીને મધમાં મિક્સ કરીને પી લો. તમે પાનના શરબતમાં વરિયાળી, સૂકું નારિયેળ, ગુલકંદ, એલચી અને ઠંડા દૂધનો પણ ઉપયોગ કરી શકો છો.

2. ચયાપચય ઝડપી કરે છે – સવારે ખાલી પેટે પાનનું શરબત પીવાથી તે શરીરની અંદર અને આંતરડામાં જઈને તેને ડિટોક્સ કરવામાં મદદ કરે છે. તે તમારા ચયાપચયની પણ ઝડપી બનાવે છે. ઉપરાંત, તે આંતરડાની ગતિને ઝડપી બનાવે છે જે કબજિયાતની સમસ્યાને દૂર કરે છે. આયુર્વેદમાં વ્યાપક રૂપે કબજિયાતથી રાહત મેળવવા માટે નાગરવેલના પાંદડા ખાવાની ભલામણ કરવામાં આવે છે. આ માટે નાગરવેલના પાનને મેશ કરીને આખી રાત પાણીમાં પલાળી રાખો. પછી સવારે તેને પીસીને છાશમાં કાળું મીઠું ભેળવીને પીવો. આ રીતે, તે પેટને સરળતાથી સાફ કરવામાં મદદ કરે છે.

3. ઈમ્યુનિટી બુસ્ટર છે પાનનું શરબત – પાનનું શરબત રોગપ્રતિકારક શક્તિ વધારવામાં મદદરૂપ છે. તે એન્ટિસેપ્ટિક અને એન્ટિ-ફંગલ ગુણોથી ભરપૂર છે. નાગરવેલના પાંદડાઓમાં અદ્ભુત એન્ટિસેપ્ટિક ગુણો હોય છે કારણ કે તે પોલિફીનોલ્સથી સમૃદ્ધ છે જે તમને મોસમી રોગોથી બચાવવામાં મદદ કરે છે. તેના અદ્ભુત એન્ટિ-ફંગલ ગુણો ફંગલ ઇન્ફેક્શનથી ત્વરિત રાહત આપે છે. આ ઉપરાંત યોનિમાર્ગના ચેપમાં પણ તેને પીવું સ્વાસ્થ્ય માટે ખૂબ જ ફાયદાકારક છે. સાથે જ તે યોનિમાર્ગના પીએચને પણ સંતુલિત કરવામાં મદદ કરે છે.

4. ગેસ્ટ્રિક અલ્સર દૂર કરે છે – નાગરવેલના પાનમાં રહેલા ફાયટોકેમિકલ્સમા એન્ટીઓક્સીડેન્ટ અને એન્ટી અલ્સર ગુણો હોય છે. પેટના અલ્સરથી તમારા પેટની સપાટીને નુકસાન પહોંચી શકે છે, ગેસ્ટ્રિક લાળનું ઉત્પાદન ઓછું થઇ શકે છે અને ઘણા બધા ઓક્સિડેટીવ તણાવ થઈ શકે છે. જ્યારે તમે પાનના શરબત નું નિયમિતપણે સેવન કરો છો, તો તમારા અલ્સર ઠીક થઈ જાય છે. સાથે જ તમારા શરીર દ્વારા ઉત્પાદિત ગેસ્ટ્રિક લાળની માત્રામાં પણ વધારો કરે છે અને એન્ટી ઑકિસડન્ટોના કારણે ઓક્સિડેટીવ તણાવ ઘટાડે છે. આ ઉપરાંત, આ શરબત પેટની લાઈનિંગને શાંત કરે છે અને એસિડનું ઉત્પાદન અટકાવે છે. અલ્સર મટી જાય તે પછી પણ તેનું સેવન કરવાથી પેટને લગતી ઘણી સમસ્યાઓ દૂર થાય છે.

5. ડિપ્રેશનમાં મદદરૂપ – ડિપ્રેશન એ એક ગંભીર સ્થિતિ છે જે વિશ્વભરમાં ઘણા લોકોને અસર કરે છે. જો કે બજારમાં વિવિધ એન્ટીડિપ્રેસન્ટ દવાઓ ઉપલબ્ધ છે, પરંતુ કેટલાક હર્બલ ઉપચારો પણ મહત્વપૂર્ણ અસર કરી શકે છે. ડિપ્રેશનની સમસ્યામાં પાનને ચાવવાથી અથવા તેનું શરબત પીવાથી મૂડ સ્વિંગ સુધારવામાં મદદ મળે છે. આવું એટલા માટે છે કારણ કે તેઓ કેન્દ્રીય તંત્રિકા તંત્રમાં પ્રવૃત્તિને ઉત્તેજીત કરે છે અને મૂડને ઉતમ કરી ખુશીની લાગણી અનુભવવામાં મદદ કરે છે. આ સાથે, તે ડિપ્રેશનના લક્ષણોનો સામનો કરવામાં પણ મદદરૂપ છે. આ ઉપરાંત, નાગરવેલના પાંદડા સુગંધિત ફિનોલિક સંયોજનોનું ઉત્પાદન કરવામાં પણ મદદરૂપ થાય છે જે તમારી સિસ્ટમમાં કેટેકોલામાઇન્સની સંખ્યાને ઉત્તેજિત કરે છે, જે સીધું ડિપ્રેશનને દૂર કરવા સાથે જોડાયેલ છે.

6.ઓરલ હેલ્થ સુધારે છે – પાન એન્ટીબેક્ટેરિયલ ગુણોથી ભરપૂર છે. જે અસરકારક રીતે મોઢામાં રહેતા ઘણા જીવાણુઓનો સામનો કરે છે જે દાંતનો સડો અટકાવે છે. આ ઉપરાંત જે લોકોના મોંમાંથી શ્વાસની દુર્ગંધ આવતી હોય તેમના માટે પણ તે ફાયદાકારક છે. તે આંતરડાના સ્વાસ્થ્યમાં વધારો કરે છે, પરંતુ શ્વાસની દુર્ગંધ, મોઢાની દુર્ગંધ થી પણ છુટકારો અપાવે છે. સાથે સાથે, તે દાંતનો દુખાવો, પેઢાનો દુખાવો, બળતરા અને મોઢાના ચેપથી બચાવવામાં પણ મદદ કરે છે.

7.સાંધાના દુખાવામાં રાહત આપે છે – નાગરવેલના પાનમાં એન્ટી ઇન્ફ્લામેટરી સંયોજનો હોય છે જે સાંધાની બેચેની અને દુખાવાને ઘણી રીતે ઘટાડે છે. ગરમ દૂધમાંથી બનાવેલ પાનનું શરબત પીવાથી તે સાંધાની મજબૂતીમા મદદ કરે છે. આ ઉપરાંત પાનનું શરબત પીવાથી હાડકાની ઇજાઓ ઝડપથી મટાડવામાં પણ મદદ મળે છે.

8. વજન ઘટાડવામાં મદદરૂપ – જે લોકો વજન ઘટાડવાનો પ્રયત્ન કરી રહ્યા છે તેમના માટે પાનનું શરબત ખૂબ જ ઉપયોગી છે. તે ‘મેધા ધાતુ’ (શરીરની ચરબી) ઓછી કરે છે અને શરીરના ચયાપચય દરને વધારે છે. આ સાથે, તે પેટને સાફ રાખવામાં, ચરબી જમા થવા અને કબજિયાતને રોકવામાં પણ મદદરૂપ છે, જેના કારણે આ વજન ઓછું કરનારાઓ માટે આ વેટ લોસ ડ્રિંક છે.

9. એસિડિટીથી તરત રાહત અપાવે છે – પાનનું શરબત પીવાથી તમે અપચો અને એસિડિટીમાંથી તરત જ રાહત મેળવી શકો છો. વાસ્તવમાં, પાનમાં એન્ટિએસિડિક ગુણ હોય છે જે GERD ના લક્ષણોને નિયંત્રિત કરવામાં મદદ કરે છે. તે ઝડપથી ખોરાકને પચાવે છે. તેમજ જે લોકોને બ્લોટિંગની સમસ્યા હોય તેમના માટે પાનનું શરબત પીવું ખૂબ જ ફાયદાકારક છે.

10. ભૂખ વધારે છે – પાનનું શરબત પીવાથી તમારી ભૂખ વધે છે. વાસ્તવમાં, તેને પીવાથી ઝેરી તત્વોને બહાર કાઢીને ચયાપચયને ઝડપી બનાવવામાં મદદ મળે છે. જેથી તમે જે પણ ખાઓ તે ઝડપથી પચી જાય અને આ રીતે તે ભૂખને વધારવામાં ઝડપથી મદદ કરે છે. તેથી, જો તમને ભૂખ ન લાગે તો તમે પાનનું શરબત પીવો.

પાનના શરબત તમે ઠંડા દૂધ, ગરમ દૂધ, છાશ અને લસ્સી વગેરેમાં બનાવી શકો છો. આમાં તમે વરિયાળી પાવડર, ગુલકંદ, જીરું પાવડર, લવિંગ, સંચળ અને ખાંડ વગેરેનો ઉપયોગ કરી શકો છો. તેથી, જો તમે આજ સુધી પાનનું શરબત પીધું નથી, તો એકવાર ચોક્કસ ટ્રાય કરો.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team