🏡મહારાષ્ટ્રના ટોપ હિલ સ્ટેશન માંથી એક હિલ સ્ટેશન, જ્યાં લોકો પોતાનો જીવ જોખમમાં મૂકીને ફરવા આવે છે

માથેરાન ભારતનું સૌથી નાનું હિલ સ્ટેશન છે, જે મહારાષ્ટ્રમાં આવેલું છે. વિકેન્ડમા મુલાકાત લેવા માટે તમારી સૂચિમાં આ સ્થાનનો પણ સમાવેશ કરી શકો છો. માથેરાન માત્ર તેના નાના હિલ સ્ટેશનને કારણે જ પ્રખ્યાત નથી, અહીં એવી ઘણી વસ્તુઓ છે જેના વિશે તમે ભાગ્યે જ જાણતા હશો.

લગભગ 2,635 ફૂટની ઊંચાઈએ, માથેરાન ભારતના મહારાષ્ટ્રના પશ્ચિમ ઘાટની સહ્યાદ્રી પર્વતમાળામાં આવેલું એક નાનું ઑફબીટ હિલ સ્ટેશન છે. તે વર્ષ 1850 માં થાણે જિલ્લાના તત્કાલીન જિલ્લા કલેક્ટર હ્યુગ માલેત દ્વારા વિકસાવવામાં આવ્યું હતું. માથેરાન એ મહારાષ્ટ્રના ટોચના હિલ સ્ટેશનોમાંનું એક છે જ્યાં મુંબઈ અને પુણેના લોકો વીકેન્ડ માટે આ લોકપ્રિય સ્થળની મુલાકાત લેવા માટે આવે છે. આ સુંદર પહાડી શહેરોમાં જોવાલાયક સ્થળોની સાથે ગાઢ જંગલો પણ જોઈ શકાય છે. આવો અમે તમને આ લેખમાં ભારતના નાના હિલ સ્ટેશન વિશે કેટલીક દિલચસ્પ બાબતો જણાવીએ.

•એશિયાનું એકમાત્ર ઓટોમોબાઈલ ફ્રી હિલ સ્ટેશન – માથેરાન સાથે જોડાયેલી સૌથી અનોખી અને પ્રથમ હકીકત- અહીં કોઈપણ વાહનને આવવાની મંજૂરી નથી. ભારત સરકારના આ નિર્ણયનું સરળ કારણ માત્ર આ હિલ સ્ટેશનના પર્યાવરણને પ્રદૂષણ મુક્ત રાખવાનું છે અને આ જ કારણ છે કે માથેરાન એશિયાનું એકમાત્ર ઓટોમોબાઈલ મુક્ત હિલ સ્ટેશન છે. માથેરાનમાં દસ્તુરી પોઈન્ટથી આગળ કોઈ વાહનને મંજૂરી નથી. પ્રવાસીઓએ ત્યાંથી પગપાળા અથવા ટટ્ટુ દ્વારા માથેરાન પહોંચવા માટે 2.5 કિમીનું અંતર કાપવું પડે છે. જો તમે પ્રકૃતિની સુંદરતા જોવા માટે આટલું ચાલવા માટે તૈયાર છો, તો તમે અહીં વીકેન્ડ ફરવા માટે જઈ શકો છો.

•મહારાષ્ટ્રની એક માત્ર ટોય ટ્રેન – માથેરાન વિશે અન્ય એક અનોખી અને સૌથી રસપ્રદ હકીકત છે તેની ટોય ટ્રેન. અહીંની ટોય ટ્રેન ઇ.સ. 1907માં સર આદમજી પીરભોય દ્વારા બનાવવામાં આવેલી હતી, જે નેરલથી માથેરાન સુધીના વન ક્ષેત્રના વિશાળ વિસ્તાર પર 20 કિમીનું અંતર આવરી લે છે. માથેરાન લાઇટ રેલવે તરીકે પણ ઓળખાય છે, તે મહારાષ્ટ્રની એકમાત્ર ટોય ટ્રેન છે. ટેક્નિકલ સમસ્યાઓના કારણે મે 2016માં તેને અસ્થાયી રૂપે સ્થગિત કરવામાં આવી હતી, પરંતુ જાન્યુઆરી 2018થી ફરી શરૂ કરવામાં આવી હતી. ટોય ટ્રેનમાં મુસાફરી એ સૌથી યાદગાર અનુભવ છે, તમે તેને માથેરાન ટ્રીપમાં પણ સામેલ કરી શકો છો.

•ભારતનું સૌથી નાનું હિલ સ્ટેશન – પશ્ચિમ ઘાટની શ્રેણીમાં લગભગ 800 મીટરની ઊંચાઈએ આવેલું માથેરાન એ ભારતનું સૌથી નાનું હિલ સ્ટેશન છે. તે લગભગ 7 કિમીનો વિસ્તાર આવરી લે છે અને તેની વસ્તી લગભગ 6000 છે. બ્રિટિશરો દ્વારા ઉનાળુ રિસોર્ટ તરીકે વિકસિત, માથેરાન એ મહાબળેશ્વર અને લોનાવાલા જેવા અન્ય હિલ સ્ટેશનોની જેમ સુખદ જળવાયુનો આનંદ માણવા માટે એક શાંતિપૂર્ણ સ્થળ છે. પ્રચુર માત્રામાં હરિયાળી અને આકર્ષક દૃશ્યો સાથે, માથેરાન મહારાષ્ટ્રમાં સૌથી વધુ મુલાકાત લેવાયેલ હિલ સ્ટેશનો પૈકીનું એક છે.

•35+ જોવાલાયક પોઇન્ટ – મહાબળેશ્વરની જેમ, માથેરાન પણ તેના ઘણા ફેમસ પોઇન્ટ માટે પ્રખ્યાત છે, જે 7 કિમીના વિસ્તારમાં ફેલાયેલ છે. અહીં 35 થી વધારે પોઇન્ટ છે, જેમ કે સાહી પોઈન્ટ, પેનોરમા પોઈન્ટ, ઈકો પોઈન્ટ, કિંગ જ્યોર્જ પોઈન્ટ, લુઈસા પોઈન્ટ, મંકી પોઈન્ટ, વન ટ્રી હિલ પોઈન્ટ, રામબાગ પોઈન્ટ, હાર્ટ પોઈન્ટ વગેરે જે માથેરાનના સુંદર દ્રશ્યો રજૂ કરે છે. આ પોઇન્ટથી તમે 360 ડિગ્રી એંગલ વ્યૂ, સૂર્યાસ્ત અને સૂર્યોદય, પશ્ચિમ ઘાટના શિખરો વગેરે જોઈ શકો છો.

•માથેરાન આસપાસના ફરવાલાયક સ્થળો – માથેરાનની આસપાસ ફરવા માટે ઘણી બધી જગ્યાઓ છે, જેમાંથી લુઈસ પોઈન્ટ, શાર્લોટ લેક, શિવાજી લેડર, પેનોરમા પોઈન્ટ, ઈકો પોઈન્ટ જેવી જગ્યાઓ પણ તમારી માથેરાન ટ્રીપમાં સામેલ થઈ શકે છે.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team