ઉનાળાની ઋતુમાં ડિહાઇડ્રેશનની સમસ્યા થવી સામાન્ય બાબત છે. આવી સ્થિતિમાં પાણીથી ભરપુર ફૂડ અને વધુ પાણી પીવાની સલાહ આપવામાં આવે છે. તમે પાણીથી ભરપુર કયા ફૂડ ડાયેટ મા સમાવેશ કતી શકો છો તે ચાલો જાણીએ આવો જાણીએ કે કયા ખોરાકમાં પાણીથી ભરપૂર ખોરાકનો સમાવેશ કરી શકાય.
ઉનાળાની ઋતુ લગભગ આવી ગઈ છે. આવી સ્થિતિમાં, તમારા ખોરાકનું વધુ ધ્યાન રાખવાની જરૂર પડે છે. આ ઋતુમાં લૂ લાગવી અને ડિહાઇડ્રેશનની સમસ્યા થવી સામાન્ય છે. હાઇડ્રેટ રહેવા માટે પૂરતું પાણી પીવાની સલાહ આપવામાં આવે છે. દરરોજ ઓછામાં ઓછા 8 ગ્લાસ પાણી પીવાની સલાહ આપવામાં આવે છે. ઘણી વાર માત્ર પાણી પીવું જ પૂરતું નથી હોતું પરંતુ પાણીયુક્ત ખોરાક પણ સ્વાસ્થ્ય માટે ખૂબ જ જરૂરી હોય છે. તમે પાણીથી ભરપૂર ફૂડનું સેવન પણ કરી શકો છો. આમાં તરબૂચ, ટામેટા, કાકડી, સ્ટ્રોબેરી વગેરે જેવા ખોરાકનો સમાવેશ થાય છે. આવો જાણીએ કે તમે પાણીથી ભરપૂર બીજા કયા ખોરાકનું સેવન કરી શકો છો.
સફરજન
સફરજનમાં લગભગ 80 ટકા પાણી હોય છે. તે વિટામિન અને મિનરલ્સથી ભરપૂર હોય છે. તે ચયાપચયને ઝડપી કરે છે. તે હૃદયને સ્વસ્થ રાખવામાં મદદ કરે છે.
ટામેટા
ટામેટાંમાં લગભગ 90 ટકા પાણી હોય છે. કઢીમાં તેનો ઉપયોગ સામાન્ય રીતે કરવામાં આવે છે. ટામેટા વિટામિન Aથી ભરપૂર હોય છે. તે હાઈ બ્લડ પ્રેશરનું જોખમ ઘટાડે છે. તે આંખોના તેજમાં સુધરો કરે છે. તે ત્વચાને સ્વસ્થ બનાવી રાખવાનું કામ કરે છે.
કાકડી
કાકડી પાણીથી ભરપૂર હોય છે. તેમાં લગભગ 90 ટકા પાણી હોય છે. તેમાં પોટેશિયમ હોય છે. તે હીટસ્ટ્રોકને રોકી શકે છે. કાકડી મગજ માટે પણ ફાયદાકારક છે. વાસ્તવમાં, કાકડીમાં ફિસેટિન નામનું એક એન્ટી-ઇનફ્લામેટરી તત્વ હોય છે. તે મગજની સારી કામગીરી માટે મદદ કરે છે.
તરબૂચ
આ એક ખૂબ જ સ્વાદિષ્ટ અને ઉનાળાની ઋતુમાં સૌથી વધુ પસંદ કરાતા ફળોમાંનું એક છે. તરબૂચમાં 90 ટકા પાણી હોય છે. તે હીટસ્ટ્રોક સામે લડવામાં મદદ કરે છે. તે રોગપ્રતિકારક શક્તિ વધારવામાં મદદ કરે છે. આ ફળ હૃદય રોગોને રોકવામાં પણ મદદ કરે છે.
સ્ટ્રોબેરી
સ્ટ્રોબેરી પાણીથી ભરપૂર હોય છે. તેમાં લગભગ 90 ટકા પાણી હોય છે. તે ફાઈબર, વિટામિન સી, ફોલેટ અને મેંગેનીઝથી ભરપૂર હોય છે. તેમાં એન્ટીઑકિસડન્ટ ગુણધર્મો પણ હોય છે. આ દરેક પોષક તત્વો ડાયાબિટીસ, કેન્સર અને હૃદય સંબંધિત સમસ્યાઓ જેવા રોગો સામે લડવામાં મદદ કરે છે.
મશરૂમ
મશરૂમ વિટામિન B2 અને D જેવા પોષક તત્વોનો એક સારો સ્ત્રોત છે. તેમાં લગભગ 90 ટકા પાણી હોય છે. તમે નિયમિત આ શાકભાજીનું સેવન કરી શકો છો. તે થાકને ઓછો કરવામાં મદદ કરે છે.
જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.
નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.
Author: FaktGujarati Team