👉જાણો એકદમ ઓછા સમયમાં બનાવી શકાય એવી સ્વાદિષ્ટ🍞પનીર બ્રેડ રોલ🥖બનાવવાની રીત

Image Source

હવે તમે પણ ઘર પર પાંચ મિનિટમાં જ સ્વાદિષ્ટ બ્રેકફાસ્ટ તૈયાર કરી શકો છો. જો તમારા બાળકોને સ્કૂલ માટે મોડું થઈ રહ્યું હોય તો, ફટાફટ paneer bread roll બનાવીને તમે લંચમાં આપી શકો છો.

પનીર બ્રેડ રોલ એક અનોખી રેસીપી છે. બ્રેડનો ક્રિસ્પી સ્વાદ અને પનીર ની સોફ્ટનેસ એ બંને મળીને સ્પેશ્યલ લાજવાબ સ્વાદિષ્ટ રેસીપી બને છે. એમાં ચટણીનું ખૂબ જ મહત્વ છે.

આજના સમયમાં લોકો એટલા વ્યસ્ત હોય છે કે, એમને જમવાનો સમય પણ સરખો મળતો નથી. ત્યારે ફટાફટ બનતી રેસીપી વિશે જાણીએ. આ રેસિપી ખૂબ જ સરળ છે અને ખૂબ ઓછા સમયમાં બનીને તૈયાર થઇ જાય છે. તો ચાલો એને બનાવવાની રીત વિશે જાણીએ.

પનીર બ્રેડ રોલ બનાવવા માટેની સામગ્રી

• બ્રેડ : 6 પીસ
• બટર 1 કપ
• આદુ અને લસણની પેસ્ટ 1 ચમચી
• કાશ્મીરી લાલ મરચું 2 ચમચી
• જીરા પાવડર 1/4 ચમચી
• ગરમ મસાલો 1/4 ચમચી
• ટોમેટો સોસ બે ચમચી
• આમચૂર પાવડર 1/4 ચમચી
• લીલા ધાણા
• સ્વાદ પ્રમાણે મીઠું
• લીલી ચટણી 4ચમચી
• ઘી અથવા તેલ 2થી 3 ચમચી

Image Source

બનાવવાની રીત

• સૌપ્રથમ એક બાઉલમાં બટર લેવું.
• ત્યારબાદ તેમાં આદુ-લસણની પેસ્ટ, કાશ્મીરી લાલ મરચું, જીરુ પાવડર, ગરમ મસાલો, આમચૂર પાઉડર, લીલા ધાણા અને સ્વાદ પ્રમાણે મીઠું નાંખીને સરખી રીતે મિક્ષ કરી લેવું.
• હવે પનીરનું મિશ્રણ ભરવા માટે તૈયાર છે.
• હવે બ્રેડ લઈને તેનો કિનારા વાળો ભાગ કટ કરી લેવો.
• ત્યારબાદ એને વેલણની મદદથી પાતળી લાંબી વણી લેવી.
• હવે એના પર લીલી ચટણી લગાવી દેવી.
• હવે પનીરના મિશ્રણને બ્રેડ પર લઈને દબાવીને રોલ બનાવી લેવો.
• હવે ગેસ પર પેન ગરમ કરવા મૂકી ને એમાં તેલ અથવા ઘી નાખીને બ્રેડ ના રોલ ને ધીમી આંચ પર તળવા.
• ત્યાર બાદ એને ફેરવીને ચારે તરફથી તળી લેવા.
• હવે બ્રેડ રોલ બનીને તૈયાર છે એને ચટણી સાથે પીરસવા.

Image Source

મહત્વના સૂચન

• પનીર બ્રેડ રોલ બનાવવા માટે તાજું બટર ઉપયોગ માં લેવું.
• તમે ઈચ્છો તો એના મિશ્રણમાં લીલી શાકભાજી નો પણ ઉપયોગ કરી શકો છો.
• લીલી ચટણી નો ઉપયોગ કરવાથી બ્રેડ રોલ વધુ સ્વાદિષ્ટ બને છે.
• જો તમારી પાસે લીલી ચટણી ના હોય તો એની જગ્યાએ તમે પીઝા, પાસ્તા સોસ નો ઉપયોગ કરી શકો છો.

તો આ હતી પનીર બ્રેડ રોલ ની રેસીપી અમને આશા છે કે, આ રેસિપી તમે જરૂરથી પસંદ આવશે.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team