👧જો તમે ઈન્સ્ટન્ટ ગ્લોઈંગ મેળવવા માંગો છો તો કરો કોફી નું ફેશિયલ, ચહેરા પર આવશે પ્રાકૃતિક નિખાર અને ચમકશે ત્વચા

અત્યારે પૂરજોશમાં લગ્નની સિઝન ચાલી રહી છે, અને તેવામાં સુંદર અને ડિઝાઈનર કપડા ની સાથે સાથે તમારી ત્વચા પણ ગ્લો કરે અને તમારા દેખાવ ઉપર ચારચાંદ લાગે તે ખૂબ જ જરૂરી છે. જો તમે તમારા મિત્ર અથવા કોઈપણ સગા વહાલાના લગ્નમાં જવાનો પ્લાન કરી રહ્યા છો તો આ ખબર તમારી માટે ખૂબ જ ખાસ છે. આજે અમે તમને જણાવવા જઇ રહ્યા છીએ બસ થોડીક જ મિનિટમાં ઈન્સ્ટન્ટ ગ્લોઈંગ ત્વચા મેળવવાના રાઝ, ઇન્સ્ટન્ટ ગ્લો મેળવવા માટે ઘરે જ તમે કોફી ફેશિયલ કરી શકો છો, આ ફેશિયલ કરવું ખૂબ જ આસાન છે અને તેનાથી તમારા ચહેરા ઉપર તૈયારીમાં જ નિખાર આવી જશે, તો ચાલો જાણીએ કે સ્ટેપ બાય સ્ટેપ કોફી ફેશિયલ કરવાની રીત.

સ્ટેપ 1 ક્લીનઝર

સૌથી પહેલા તમારી ત્વચાને ચોખ્ખી કરવા માટે બે ચમચી કાચા દૂધમાં એક ચમચી કોફી પાવડર નાખીને તેને સારી રીતે મિક્સ કરો. હવે આ મિશ્રણમાં એક રૂ ડુબાડો અને ધીમેથી તમારા ત્વચા ઉપર એપ્લાય કરો, અને તેને ચહેરા ઉપર ત્રણ મિનિટ માટે ગોળ ગોળ ફેરવો ત્યારબાદ તેને તાજા પાણીથી ધુવો.

સ્ટેપ 2 સ્ક્રબિંગ

એક ચમચી કોફી પાવડર લો અને તેમાં 1 ટેબલ સ્પૂન ચોખાનો લોટ અને થોડી હળદર ઉમેરો. હવે આ મિશ્રણમાં થોડું પાણી નાખો અને ગોળ ગોળ તમારી ત્વચા ઉપર લગાવીને સ્ક્રબ કરો.

સ્ટેપ 3 ફેસ માસ્ક

½ ટેબલસ્પૂન કોફી પાવડર લો અને તેમાં ½ ટેબલસ્પૂન ચંદન પાવડર ઉમેરો. તે સિવાય તેમાં 1 ટેબલસ્પૂન ચણાનો લોટ અને પાણી નાખીને એક પેસ્ટ તૈયાર કરો, હવે આ ફેસપેકને તમારા સંપૂર્ણ ચહેરા અને ગરદન ના ભાગ ઉપર લગાવો, તથા તેને 20 મિનિટ માટે રહેવા દો. જ્યારે તે સુકાઈ જાય ત્યારે તમારા ચહેરાને ચોખ્ખા પાણીથી ધુઓ, કોફી ફેસ માસ્ક તહેવારની ઋતુમાં તથા લગ્નના સીઝન માટે તમારી ત્વચાને ખૂબ જ સારો નિખાર આપે છે.

સ્ટેપ 4 ડાર્ક સર્કલ માટે આઈ માસ્ક

અડધા ટેબલ સ્પૂન કોફી પાવડર અને અડધા ટેબલસ્પૂન મધ લો, અને તેને સારી રીતે મિક્સ કરો. હવે તમારી આંખોની ચારેય તરફ તેને લગાવો અને થોડા સમય પછી તેને ધુઓ.

નોંધ : સલાહ સહિત આ સામગ્રી માત્ર સામાન્ય જાણકારી પ્રદાન કરે છે, તે કોઈપણ પ્રકારની યોગ્ય ચિકિત્સાનો વિકલ્પ નથી વધુ જાણકારી માટે હંમેશા તમારા વિશેષજ્ઞ અથવા ડૉક્ટરની સલાહ લો.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team