🧑‍🍼જાણો, બાળકને કેટલીવાર દૂધ પીવડાવવું જોઈએ અને એના ભુખ્યા હોવાના લક્ષણો

બાળકના સ્વસ્થ જીવન માટે સ્તનપાન ખૂબ જ જરૂરી છે. નિષ્ણાંતોના જણાવ્યા પ્રમાણે બાળકને તેના જન્મ પછી છ મહિના સુધી સ્તનપાન કરાવવું જોઈએ. એ સમય પછી પણ બાળકને દૂધ પીવડાવવું જોઈએ. પરંતુ તેની સાથે અન્ય પદાર્થો પણ આપવાનું શરૂ કરવું જોઈએ.

હવે બાળકને કેટલું દૂધ પીવડાવવું જોઈએ તે સંપૂર્ણપણે બાળક પર નિર્ભર રહે છે. કારણ કે, કેટલાક બાળકો ઓછું દૂધ પીવે છે. કેટલાક લાંબા સમય સુધી સ્તનપાન કરે છે. નવજાત બાળકને દર બે-ત્રણ કલાકે દૂધ પીવડાવવું જોઇએ. જ્યારે બાળક બે મહિનાનું થાય ત્યારે દિવસમાં ત્રણ-ચાર વખત, અને છ મહિનાના બાળકને ચારથી પાંચ વખત સ્તનપાન કરાવવું પડે છે.

તો ચાલો આજના લેખમાં એના વિશે વિગતે જાણીએ.

બાળક ભૂખ્યું હોવાના લક્ષણો – બાળકની કેટલીવાર ખવડાવવું જોઈએ. તે જાણતા પહેલા બાળકના ભૂખ્યા રહેવાના લક્ષણો જાણવા જરૂરી છે.

રડવું બાળકનું રડવું – એ સૌથી સામાન્ય લક્ષણ છે. જો બાળક સતત અને અનિયંત્રિત રીતે રડતું હોય તો, તેનો અર્થ થાય છે કે તેને ભૂખ લાગી છે.
હોઠ ચાટવા – જ્યારે બાળકને ભૂખ લાગે છે ત્યારે તે ઘણી વખત હોઠ ચાટવા લાગે છે. તેની સાથે ક્યારેય જીભ પણ બહાર કાઢવા લાગે છે.
મોઢામાં હાથ મુકવો – ઘણીવાર બાળકને ભૂખ લાગે ત્યારે તેઓ મોઢામાં હાથ કે પગ મૂકવા લાગે છે.
રૂટિન દ્વારા – બાળકોની રૂટિન પદ્ધતિ અને ક્રિયા દ્વારા ભૂખ્યા હોવાના લક્ષણો જાણવાના હોય છે. જેમાં તેઓ તેમની માતાના સ્તનને જૉવા માટે મોઢું અને માથું હલાવે છે.
વસ્તુઓને ચૂસવી – બાળક જ્યારે ભૂખ્યું હોય છે ત્યારે, કાયમ પોતાની આસપાસ રાખેલી વસ્તુઓ ને મોઢામાં નાખીને ચૂસવા માંડે છે.
મોઢું ખોલવું – ભૂખને કારણે મોટાભાગના બાળકો કાયમ પોતાનું મોઢું ખોલવાનું શરૂ કરી દે છે. આ લક્ષણ જોવા મળે તો સમજી જવું જોઈએ કે બાળક ભૂખ્યું છે.

બાળકની કેટલીવાર સ્તનપાન કરાવવુ ?

માતાનું દૂધ નવજાત શિશુ માટે પોષણ માટેનો શ્રેષ્ઠ સ્ત્રોત માનવામાં આવે છે. નિષ્ણાંતોના જણાવ્યા પ્રમાણે, બાળક અને માતા બન્ને ના સારા સ્વાસ્થ્ય માટે સ્તનપાન કરાવવું ખૂબ જરૂરી છે. બાળકનો જન્મ થતાં તેને ભૂખ લાગે છે અને પછીના એક કલાકમાં તે સ્તનપાન પણ શરૂ કરી દે છે.

નવજાત શિશુને પ્રથમ એક મહિના સુધી દિવસમાં 8 થી 13 વખત સ્તનપાન કરાવવાનીજરૂર હોય છે. માતાનું દૂધ બાળકને ઝડપથી પચી જાય છે તેથી નવજાત ને થોડા સમયના અંતરમાં ભૂખ લાગતી હોય છે.

બાળકને છ મહિનાના સુધી ફક્ત અને ફક્ત માતાનું દૂધ આપવું જોઈએ. શરૂઆતના અઠવાડિયામાં બાળક વધુ સ્તનપાન કરવા માંગે છે. દરરોજ અડધા કલાકની અથવા એક કલાક ની મધ્યમાં. નવજાત બાળકને ક્યારેક, ચાર કલાકથી વધુ ભૂખ્યા રાખવા જોઇએ નહીં.
જ્યારે બાળક એક કે બે મહિનાનું હોય તેને દિવસમાં 7થી 9 વખત ખવડાવવું જોઈએ.

જ્યારે છ મહિનાના બાળકને દિવસમાં ચારથી પાંચ વખત ખવડાવવાની જરૂર છે. છ મહિના પછી જ્યારે બાળક ખાવાનું શરૂ કરે ત્યારે, તેની આગામી બે વર્ષ સુધી સ્તનપાન ચાલુ રાખવુ જોઈએ. નિષ્ણાંતોના જણાવ્યા પ્રમાણે, બાળક ના ભૂખ્યા રહેવાના લક્ષણો પહેલાં બાળકને સ્તનપાન કરાવવું જોઈએ. કારણ કે મોટા ભાગના બાળકોનું પેટ નાનું હોવાને કારણે તેમને ઓછા સમયમાં જ ભૂખ લાગતી હોય છે.

બાળકને એક વર્ષની ઉંમર સુધી સ્તનપાન કરાવાઈ તો એના શરીરને માતાના દૂધ માં રહેલા બધાં જ પોષક તત્વો મળી રહે છે. બાળકને કેટલા સમય સુધી સ્તનપાન કરાવવું જોઈએ. તે સંપૂર્ણ રીતે માતા અને બાળકો પર આધારિત હોય છે. બાળકને જન્મથી છ મહિના સુધી ફક્ત ને ફક્ત માતાનુ દૂધ પીવડાવવું જોઈએ. જેથી માતાએ નવજાત બાળકને બે કલાક કે, તેનાથી ઓછા સમયના અંતરે જાતે જ સ્તનપાન કરાવવું જોઈએ. બાળકને એક વર્ષની ઉંમર સુધી સ્તનપાન કરાવવું જોઈએ. બાળકને ક્યારે અને કેટલી વાર સ્તનપાન કરાવવું, એના માટે તમારે ડૉક્ટરની સલાહ પણ લેવી જોઈએ.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team