👩સફેદ વાળને કાળા કરવા માટે લગાવો આ 3 વસ્તુઓ, નહી પડે કેમિકલવાળો કલર લગાવવાની જરૂર

વાળ સફેદ થવાનું કોઈ એક નિશ્ચિત કારણ નથી. વાળ ઉંમરના કારણે, વાતાવરણ, ખાણીપીણી અને કોઈ અન્ય કારણથી પણ સફેદ થઈ શકે છે. અચાનક જ એક દિવસ સારા એવા કાળા વાળમાંથી સફેદ વાળ દેખાવા લાગે છે જેને તોડી પણ શકાતા નથી અને કલર પણ લગાવી શકતા નથી. ઘણા લોકો શરૂઆતમાં સફેદ વાળ પર મેહંદી લગાવવા લાગે છે જેનાથી વાળ કાળા તો નહિ પરંતુ લાલ જરૂર થઈ જાય છે. તમારે પણ તમારું માથું લાલ કરવું નથી અને સફેદ વાળથી છુટકારો મેળવવો છે તો કેટલાક એવા નુસખા છે જે તમને ખુબ ઉપયોગમાં આવી શકે છે.

કોફી – કોફીનો નેચરલ કલર વાળને કાળા કરવામાં ખૂબ ફાયદાકારક છે. તેના ઉપયોગ માટે એક વાસણમાં એક કપ પાણી ગરમ કરો અને તેમાં એક ચમચી ભરીને કોફીનો પાઉડર ઉમેરી દો. જ્યારે પાણી ઠંડું થઈ જાય ત્યારે તેમાં મેહંદી ઉમેરીને પેસ્ટ તૈયાર કરો. ત્યારબાદ તૈયાર પેસ્ટને એક કલાક રાખો અને તેમાં ઓલિવ ઓઈલ ઉમેરીને વાળમાં લગાવી લો. આ મિશ્રણથી સફેદ વાળ લાલ નહિ પરંતુ કાળા થઈ જશે.

એલોવેરા જેલ – શરૂઆતના સફેદ વાળ પર એલોવેરા જેલનો ઉપયોગ યોગ્ય રીતે કરવામાં આવે તો થોડા ઘણા વાળ સરળતાથી કાળા થઈ શકે છે. એલોવેરા જેલમાં લીંબુનો રસ નીચવી લો અને વાળ પર લગાવો. તમારે તેને દરરોજ લગાવવાનું નથી, અઠવાડિયામાં એક વાર તેને લગાવી શકાય છે અથવા વધુમાં વધુ બે વાર. થોડા દિવસ લગાવ્યા પછી જ તમને અસર જોવા મળશે.

લીમડાના પાન – થોડા લીમડાના પાન લો અને તેને સરખી રીતે પીસી લો. હવે 2 ચમચી આંબળાના પાઉડરમાં 2 ચમચી દૂધીનો પાઉડર ઉમેરો અને પાણીની સાથે ઉમેરીને પેસ્ટ તૈયાર કરી લો. આ હેર માસ્કને મૂળથી લઈને સંપૂર્ણ વાળ પર લગાવો અને એક કલાક પછી માથાને સરખી રીતે ધોઈ લો. તમને તેની ઝડપથી અસર જોવા મળશે. આ ઉપાય વાળને કાળા અને ઘાટા બનાવે છે.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team