🌅ઉનાળાની ઋતુમાં ખાસ વૃદ્ધો ને હિટ સ્ટ્રોક સામે રક્ષણ આપવા માટે આપનાવો આ વિશેષ ટિપ્સ.

ઉનાળોની ઋતુ પીડાદાયક હોય છે અને તેની અસર સૌથી વધુ વૃધ્ધ અને બાળકો પર પડે છે. જોકે બાળકોને માતા-પિતા સંપૂર્ણપણે સુરક્ષિત રાખવા માટે બધા પ્રયત્નો કરતા હોય છે, પરંતુ આ સમયે ઘણી વખત ઘરના વડીલો ની અવગણના કરવામાં આવતી હોય છે. જેના પરિણામ ક્યારેક ભયંકર બની શકે છે કારણ કે, વૃધ્ધનું પણ બાળકો જેટલું ધ્યાન રાખવું જરૂરી છે. ઉનાળાની ઋતુમાં તમે તમારા પરિવારના વડીલો ને કેવી રીતે સુરક્ષિત અને સ્વસ્થ રાખી શકો, વિશેષ કાળજી અને ધ્યાન કઈ રીતે રાખી શકાય એ તમારે જાણી લેવું જોઈએ. માટે આજે અમે આ લેખમાં તમને એના વિશે જણાવીશું.

1. પાણીની ઊણપના સર્જાઈ નહિ એનું ધ્યાન રાખવું –

ગરમીના દિવસોમાં ખાસ કરીને શરીરમાં પાણીની ઉણપ ન રહે તેનું ધ્યાન રાખવું જોઈએ. શરીરમાં પાણીની ઊણપના કારણે હીટ સ્ટ્રોક અને ડીહાઇડ્રેશનની સમસ્યા થવાની શક્યતા વધી જાય છે. એવી સલાહ આપવામાં આવે છે કે, વૃદ્ધ લોકોએ પૂરતું પાણી પીવું અને હાઇડ્રેટેડ રહેવું, ઉપરાંત આહારમાં વિવિધ જ્યૂસનો સામેલ કરવો જોઇએ.

Image Source

2. સુતરાઉ અથવા ખાદીના કપડા નો ઉપયોગ કરવો –

ઘાટા રંગના કપડાં પહેરવાનું ટાળવું જોઈએ. કપડાં થી ઘણો ફરક પડી શકે છે માટે નાયલોન, મખમલ, રેશમ ની બદલે સુતરાઉ અને ખાદીના કપડા પહેરવા આરામદાયક રહે છે.

3 આંખો નું વિશેષ ધ્યાન રાખવું –

વૃદ્ધ વ્યક્તિઓ ની આંખો નાજુક હોય છે. ગરમીના સંપર્કમાં આવવાથી એલર્જી, કંજકટીવાટીસ અને ડ્રાયનેસ ની સમસ્યા થઈ શકે છે. આ સમસ્યાઓથી બચવા માટે આંખોને ગરમીથી રક્ષણ આપવું જોઈએ. ઉપરાંત આહારમાં વિટામિન-એ અને વિટામિન – સી થી ભરપૂર ફળોનો સમાવેશ કરવો જોઈએ.

4. સ્વચ્છતાનું ધ્યાન રાખવું –

ગરમીની ઋતુમાં વૃદ્ધ અને બાળકોની ત્વચામાં સંક્રમણનો ભય રહે છે. એવા સમયે સ્નાન માટે ઔષધીય અથવા હર્બલ સાબુનો ઉપયોગ કરવો વધુ સારું રહે છે. સ્નાન કર્યા બાદ સ્વચ્છ કપડાં પહેરવા. જો સ્વચ્છતા રાખવામાં ન આવે તો એની અસર પાચનતંત્રને પણ પ્રભાવિત કરે છે અને ફૂડ પોઇઝનિંગ જેવી સમસ્યાઓ પેદા થતી હોય છે, માટે પોતાના આહારમાં પણ તાજા ફળ અને શાકભાજીનો સમાવેશ કરવો જોઈએ.

5. નિષ્ણાતની સલાહ લેવી –

જો તમારા પરિવારમાં કોઈ વૃદ્ધ વ્યક્તિ બીમાર હોય તો નિયમિત ચેક-અપ કરાવવું જોઈએ. ઉપરાંત ઉપર જણાવેલી બાબતોનું ખાસ ધ્યાન રાખવા છતાં પણ જો સ્વાસ્થ્ય સંબંધિત સમસ્યા હોય તો હંમેશા ડોક્ટરની સલાહ લેવી.

આ સિવાય ખાણી – પીણી માં પણ ખાસ ધ્યાન રાખવું જોઈએ. જેમ કે દહીં, છાશ અને પ્રવાહી વધારે લેવા જોઈએ. જ્યારે તળેલા પદાર્થો અને વધુ તીખા- મસાલેદાર ખોરાક ખાવા જોઈએ નહિ.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team