ગરમ મસાલાનો ઉપયોગ ભોજનના સ્વાદને વધારવા માટે કરવામાં આવે છે. તે સ્વાદ ઉપરાંત સ્વાસ્થ્ય માટે પણ ફાયદાકારક છે.
ગરમ મસાલો ભારતીય રસોઈ ઘરમાં સૌથી વધારે ઉપયોગ થનાર મસાલામાંથી એક છે. તે સામાન્ય રીતે લવિંગ, તજ, જીરું, એલચી, તમાલ પત્ર અને મરીનું મિશ્રણ હોય છે. આ મસાલાનો ઉપયોગ ભોજનના સ્વાદને વધારવા માટે કરવામાં આવે છે. પરંતુ શું તમે જાણો છો કે સ્વાદ ઉપરાંત સ્વાસ્થ્ય માટે પણ તે ફાયદાકારક હોય છે. તેમાં ઘણા મિનરલ હોય છે. તે આપણા સ્વાસ્થ્ય માટે ઘણી વિવિધ રીતે ફાયદાકારક હોય છે. તો ચાલો જાણીએ ગરમ મસાલાથી થતા સ્વાસ્થ્ય ને લગતા ફાયદા વિશે.
ગરમ મસાલાઓ પાચનમાં સુધારો કરે છે:
ભોજનમાં ગરમ મસાલાનો ઉપયોગ પાચનતંત્રને સ્વસ્થ રાખે છે. તે મસાલા પેટમાં હોજરીનો રસ કાઢવામાં મદદ કરે છે. આ ઉપરાંત તે પાચન સંબંધી સમસ્યાઓ જેમકે એસિડિટી, સોજા, અપચો વગેરે પાચનની સમસ્યાઓને રોકવામાં મદદ કરે છે.
ગરમ મસાલા મેટાબોલિઝ્મમાં સુધારો કરે છે:
આ મસાલા ઘણા જુદા જુદા મસાલાનું એક મિશ્રણ છે જેના ઘણા ફાયદા છે. આ ઘટકો ફાઇટોન્યુટ્રિએટ્સથી સમૃદ્ધ છે જે શરીરના મેટાબોલિઝ્મમા વધારો કરે છે. આ મસાલા વજન ઓછું કરવામાં મદદ કરે છે. મેટાબોલિઝ્મ વધવાથી કેલેરી ઝડપથી બર્ન થાય છે. આ કારણ છે કે તે વજન ઘટાડવામાં મદદ કરે છે. આ મસાલાનો ભોજનમાં સમાવેશ કરવાથી તમે વધારે કેલેરી બર્ન કરી શકો છો.
ગરમ મસાલા હદયના સ્વાસ્થ્ય માટે ફાયદાકારક છે:
તે તમારા હદયના સ્વાસ્થ્યને શ્રેષ્ઠ બનાવવામાં મદદ કરે છે. ગરમ મસાલામાં લીલી એલચી હોય છે. તે તમારા હદય માટે ખૂબ સારી માનવામાં આવે છે. આ મસાલાને તમારા ભોજનમાં સમાવેશ કરવાથી તમને તમારા બ્લડ પ્રેશરના સ્તરને નિયંત્રિત કરવામાં મદદ મળશે જેનાથી તમારા હદયના સ્વાસ્થ્યમાં સુધારો થશે.
ગરમ મસાલો કેન્સરના જોખમને ઓછું કરે છે:
જ્યારે કેટલીક સ્વાસ્થ્ય સમસ્યાઓને રોકવાની વાત આવે છે ત્યારે તમારું ભોજન મહત્વપૂર્ણ ભૂમિકા ભજવે છે. કેન્સર જેવી જોખમી બીમારીને દુર કરવા માટે તમારે તમારા ભોજનમાં ગરમ મસાલાનો જરૂર સમાવેશ કરવો જોઈએ. મસાલામાં પોષક તત્વ હોય છે જે શરીરમાં ટ્યુમરના વિકાસને રોકી શકે છે અને વિવિધ પપ્રકારના કેન્સરને રોકી શકે છે.
આ વાતોનું ધ્યાન રાખવું:
ગરમ મસાલાના ઘણા ફાયદા છે, પરંતુ તેનું વધારે સેવન કરવું જોઈએ નહીં કેમકે તેનાથી સ્વાસ્થ્ય સંબંધિત સમસ્યાઓ થઈ શકે છે. આ ઉપરાંત જો તમે કોઈ સ્વાસ્થ્ય સારવાર લઈ રહ્યા છો, તો તેને તમારા ભોજનનો હિસ્સો બનાવતા પેહલા તમારા નજીકના ડોકટરની સલાહ લેવી.
જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.
નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.
Author: FaktGujarati Team