👉ઓછા બજેટમાં પ્રવાસની મજા માણી શકાય એવા, ભારતના સૌથી સસ્તા હિલ સ્ટેશન

સુંદર પર્વતો, તળાવ, બર્ફીલા શિખર અને કુદરતી મનોહર દ્રશ્યો માટે ભારત વિશ્વના સૌથી શ્રેષ્ઠ દેશોમાંનું એક છે. તે સુંદર પ્રદેશોમાં નું એક છે. જે સમગ્ર વિશ્વમાં પ્રખ્યાત છે. જો કોઇને ભારતની વાસ્તવિક સુંદરતા જોવા ની ઈચ્છા હોય તો એ દરેક વ્યક્તિ હિલ સ્ટેશન તરફ વળે છે.

અહીં સુંદર મેદાનો, મનોરમ્ય નજારા, કુદરતી સૌંદર્યથી પરિચિત થવાની ઘણી બધી તક મળે છે. લાખો વિદેશી મુસાફરો એની મુલાકાત લેવા માટે આવે છે. ભારતના એવા ઘણા બેસ્ટ હિલ સ્ટેશન છે. પરંતુ કેટલાક સ્ટેશનો એવા છે જ્યાં ફરવા માટે વધુ પૈસા ખર્ચ કરવા પડતાં હોય છે. જ્યાં રહેવા થી લઈને ફરવા અને ખાવાપીવાની સુવિધાની તમારે મોટી કિંમત ચૂકવવી પડતી હોય છે. આવી સ્થિતિમાં એવા ઘણા લોકો છે જે એવું હિલ સ્ટેશન શોધતા હોય છે, જ્યાં તેઓ ઓછા પૈસામાં સરળતાથી ફરી શકે. માટે આજે અમે તમને કેટલાક એવા હિલ સ્ટેશન વિશે જણાવીશું, જેથી ઓછા ખર્ચે તમે પ્રવાસની મજા માણી શકશો.

Image Source

ભીમતાલ હિલ સ્ટેશન –

સમુદ્રની સપાટીથી લગભગ 45 હજાર ફૂટ ઊંચાઈ પર આવેલી આ જગ્યાએ ફરવા માટે દૂર-દૂરથી લોકો આવે છે. ત્યારે જો તમે દિલ્હી કે આસપાસની કોઈ જગ્યાએ રહેતા હોવ તો તમે ખૂબ જ ઓછા બજેટમાં સરળતાથી આ જગ્યાએ ફરી શકો છો. ઉત્તરાખંડમાં આવેલ ભીમતાલ હિલ સ્ટેશન ખૂબ જ સુંદર જગ્યા છે. આ સ્થળની સુંદરતાને કારણે ભીમતાલ ને નૈનીતાલની નાની બહેન કહેવામાં આવે છે. તમને જણાવી દઈએ કે ભીમતાલ દિલ્હીથી લગભગ 300 કિમી અંતર પર આવેલું છે.

ફરવા માટે ના સ્થળ – ભીમતાલ જીલ, ભીમેશ્વર મહાદેવ મંદિર, બાબાની મજાર, લોકસંસ્કૃતિ સંગ્રહાલય ઉપરાંત ભીમતાલ દ્વીપ અહીંયા ફરવા લાયક સ્થળ છે. ભીમતાલ માં ફરવા માટે એકથી એક સુંદર સ્થળ આવેલા છે.

વિશેષતા – અહીંયા બોટિંગની સાથે ટ્રેકીંગની મજા પણ માણી શકાય છે. ભીમતાલ ફરવાની સાથે ઘણી એડવેન્ચર એક્ટિવિટી પણ કરી શકાય છે. એ ઉપરાંત શોપિંગ અને સ્થાનીય ભોજનની મજા પણ માણી શકાય છે.

Image Source

ચેલ હિલ સ્ટેશન –

ઘટાદાર જંગલો અને દેવદારના વૃક્ષો આ જગ્યામાં ચાર ચાંદ લગાવી ને એની સુંદરતામાં વધારો કરે છે. આ સ્થળ પર તમે ખૂબ ઓછા બજેટમાં આરામથી ફરી શકો છો. અહીંની સુંદરતા ની મજા માણી શકો છો આ સ્થળ ચંદીગઢથી લગભગ 110 કિલોમીટરના અંતર પર આવેલું છે. હિમાચલ પ્રદેશનું નામ દુનિયાની સૌથી ઊંચું ક્રિકેટ મેદાન માટે જાણીતું છે. લગભગ પાંચસો કે હજાર રૂપિયા માં અહીંયા રહેવાની વ્યવસ્થા થઈ જાય છે.

ફરવા માટે સ્થળ – જ્યારે તમે આ સ્થળ પર ફરવા જાઓ ત્યારે ચેલ વન્યજીવન અભયારણ્ય, કાલિકા ટીબ્બા, ગુરુદ્વારા સાહિબ, સિદ્ધ બાબા મંદિર, ચેલ નું ક્રિકેટ ગ્રાઉન્ડ અને સુંદર પેલેસની મુલાકાત લઈ શકો છો. તમે મિત્ર પરિવાર સાથે અથવા તમારા લાઇફ પાર્ટનર સાથે આ સ્થળની મુલાકાત લઇ શકો છો. તમે અહીં મોલમાં હેન્ડીક્રાફ્ટ ની શોપિંગ પણ કરી શકો છો.

વિશેષતા – તમે અહીં લેક અને નેચર સાઈટસિઈંગ, બોટિંગ અને ટ્રેકિંગ ઉપરાંત જેલમાં પેરાગ્લાઈડિંગ ની મજા પણ ઉઠાવી શકો છો.

Image Source

ઋષિકેશ –

યોગ સ્થળના રૂપે પ્રસિદ્ધ ઋષિકેશ દરેક સમયે પ્રવાસીઓ માટે શ્રેષ્ઠ પર્યટન સ્થળ રહ્યું છે. અહીંયા આશરે બે હજારની આસપાસ તમને સરળતાથી બે થી ત્રણ દિવસ સુધી ફરવા મળી શકે છે. દિલ્હી, હરિયાણા, હરિદ્વાર અથવા તો ચંડીગઢ જેવી જગ્યાએ રહેતા લોકો ઓછા બજેટમાં ઋષિકેશ ની મુલાકાત લઈ શકે છે. અહીંયા તમે ટ્રેન અથવા બસથી સરળતાથી પહોંચી શકો છો.

ફરવાલાયક સ્થળ – ઋષિકેશમાં એકથી એક શ્રેષ્ઠ જગ્યાઓ છે. અહીંયા તમને ત્રિવેણીઘાટ, લક્ષ્મણજુલા, તેરા મંઝિલ મંદિર શિવપુરી, બીટલ્સ આશ્રમ જેવી જગ્યાઓ ફરવા મળશે.

વિશેષતા – અહીંયા તમે એડવેન્ચર એક્ટિવિટી ની મજા ઉઠાવી શકો છો. ઉપરાંત રિવર રાફ્ટિંગ, જમ્પિંગ હાઈટ અને ટ્રેકિંગ ઉપરાંત બોટીંગની મજા પણ માણી શકો છો.

Image Source

અલ્મોડા –

પોતાના સંસ્કૃતિક સ્થળો અને હસ્ત શિલ્પ ઉપરાંત વન્યજીવન ને કારણે અલ્મોડા પર્યટકોમાં ખૂબ લોકપ્રિય છે. ઓછા ખર્ચમાં ફરવા માટે અલ્મોડા પણ એક શ્રેષ્ઠ જગ્યા છે. ઉત્તરાખંડ રાજ્યના કુમાયું ના પહાડી વિસ્તારમાં આવેલ નાનુ જિલ્લા મથક છે. જે હિમાલય પર્વત થી ઘેરાયેલું છે. એવામાં જો તમે કોઈ હિલ સ્ટેશન ફરવા જવાનો પ્લાન કરી રહ્યા હોવ તો ખૂબ જ ઓછા બજેટમાં સરળતાથી તમે આ સ્થળની મુલાકાત લઇ શકો છો.

ફરવા લાયક સ્થળ – અલ્મોડા માં ઝીરો પોઈન્ટ, નંદાદેવી મંદિર, ડિયર પાર્ક, કટારમલ સૂર્યમંદિર, કાંચી મંદિર, જાખન દેવી મંદિર, વન્યજીવ અભયારણ્ય ફરવાલાયક સ્થળ છે.

વિશેષતા – અહીંયાની સ્થાનિક બાલ મીઠાઇનો સ્વાદ માણી શકો છો, સુંદર પહાડો નો નજારો અને ટ્રેકીંગની મજા ઉઠાવી શકો છો.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team