👩‍🍳સ્વાદ અને સ્વાસ્થ્ય માટે બેસ્ટ સ્નેકસ ચણા દાળ વડાની સરળ રેસીપી જાણો

ચણા દાળ વડા સ્વાદ અને સ્વાસ્થ્યથી ભરપુર ડીશ છે. સામાન્ય રીતે તેને નાસ્તા તરીકે ખૂબ પસંદ કરવામાં આવે છે. દિવસના સમયે જો થોડી ભૂખ લાગે તો ચણા દાળ વડાને ટ્રાય કરી શકો છો. તે સ્વાદમાં જેટલી ઉતમ છે, તેને બનાવવી પણ તેટલી જ સરળ છે. આજે અમે તમને આ રેસિપી બનાવવાની રીત વિશે જણાવીશું.

Image Source

ચણા દાળ વડા રેસીપી : ચણા દાળ વડા એક સાઉથ ઈન્ડિયન ફૂડ ડીશ છે જેને ખૂબ પસંદ કરવામાં આવે છે. નાસ્તા તરીકે ચણા દાળ વડને ખૂબ પસંદ કરવામાં આવે છે. જ્યારે પણ દિવસના સમયે થોડી ભૂખ લાગે તો આ રેસિપી ટ્રાય કરી શકો છો. જણાવી દઈએ કે સાઉથ ઈન્ડિયન ફૂડે હવે લગભગ બધા ભારતીય ઘરમાં તેની જગ્યા બનાવી લીધી છે. ભલે તે મસાલા ઢોસા હોય કે ઈડલી સંભાર અથવા કોઈ અન્ય સાઉથ ઈન્ડિયન ડીશ. તે સ્વાદથી ભરપૂર હોવાની સાથે સ્વાસ્થ્ય માટે પણ ઘણી ફાયદાકારક હોય છે. આજે અમે તમને ચણા દાળ વડા બનાવવાની સરળ રેસિપી જણાવવા જઈ રહ્યા છીએ.

જો તમે સાઉથ ઈન્ડિયન ફૂડ ખાવાનું પસંદ કરો છો અને નાસ્તા તરીકે ઘરે જ ચણા દાળ વડા ટ્રાઇ કરવા ઇચ્છો છો તો અમારી જણાવેલ રેસીપી તમને ખૂબ ઉપયોગી થઇ શકે છે. તેને બનાવવા માટે ચણાની દાળને પીસીને તેમાં ઘણા મસાલા ઉમેરવામાં આવે છે. તેનાથી વડાનો સ્વાદ ઘણો વધે છે.

Image Source

બનાવવાની સામગ્રી :

• ચણાની દાળ – 1 કપ
• વરિયાળી – 1 ચમચી
• કાંદા જીણા કાપેલા – 1/2 કપ
• રવો – દોઢ ચમચી
• લસણ – 3 કળીઓ
• આદુના ટુકડા કાપેલા – 1/2 ઈંચ
• મીઠા લીમડાના પાન – 8/10
• લીલી મરચી કાપેલ – 1
• લીલા ધાણા કાપેલ -1 ચમચી
• ફુદીનાના પાન કાપેલ – 8/9
• તેલ
• મીઠું – સ્વાદ મુજબ

બનાવવાની રીત : ચણા દાળ વડા બનાવવા માટે સૌથી પહેલા ચણાની દાળ લો અને તેને ધોઈને 2 કલાક સુધી પલાળી રાખો. નિર્ધારિત સમય પછી દાળને ગાળીને અલગ કરી અને તેનું પાણી અલગ રાખો. હવે મિક્સરમાં દાળ, લસણ, લીલી મરચી, આદુ, લીમડાના પાન નાખીને તેને જીણું પીસી લો. જરૂરિયાત લાગે તો થોડું પાણી નાખીને પીસી શકો છો. હવે આ તૈયાર પેસ્ટને એક વાસણમાં કાઢી લો અને તેમાં કાપેલ ફુદીનો, ધાણાના પાન, રવો, સ્વાદમુજબ મીઠું અને કાપેલા કાંદા નાખી સરખી રીતે ઉમેરી લો.

Image Source

હવે એક વાટકીમાં દાળ વાળું પાણી રાખો અને કડાઈમાં તેલ નાખી ધીમા તાપે ગરમ કરવા માટે રાખો. જ્યારે તેલ ગરમ થઈ જાય ત્યારે હથેળી પર થોડું વડાનું મિશ્રણ લો અને ચણાના પાણીને આંગળીઓ પર લગાવીને મિશ્રણને વડાનો આકાર આપો. તેને પેહલા ગોળ કરો પછી ચપટુ કરી લો. ત્યારબાદ વડાને તેલમાં ડીપ ફ્રાય કરવા માટે રાખો. આ જ રીતે મિશ્રણમાથી વડા બનાવતા જાઓ અને તેને ડીપ ફ્રાય કરવા માટે કડાઈમાં નાખો.

ધ્યાન રાખો કે એક વારમાં કડાઈની ક્ષમતા મુજબ જ વડા બનાવીને નાખો જેનાથી તે સરળતાથી ડીપ ફ્રાય થઈ શકે. ફ્રાય કરતી વખતે વડા બંને બાજુએ હળવા ભૂરા થવા જોઈએ. ત્યારબાદ તેને એક ડિશમાં અલગ કાઢી લો. આ રીતે બાકી બચેલા બધા મિશ્રણના વડા તૈયાર કરીને કાઢતા જાઓ. નાસ્તા રૂપે તમારા સ્વાદિષ્ટ ચણા દાળ વડા બનીને તૈયાર થઈ ગયા છે. તેને લીલી ધાણાની ચટણી સાથે પીરસો.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team