🌳જાણો બેસ્ટ 14 ઇન્ડોર પ્લાન્ટ વિશે, જે હવાને શુદ્ધ કરવાની સાથે ઑક્સિજન પણ વધુ ઉત્પન્ન કરે છે

એમ કહેવું બિલકુલ ખોટું નથી કે છોડ જીવનનો પર્યાયવાચી છે કારણ કે જીવન છોડ વિના શક્ય નથી. બધા છોડની પોતાની વિશેષતાઓ હોય છે, કેટલાકનો ઉપયોગ આપણે ઔષધીય હેતુઓ માટે કરીએ છીએ અને કેટલાક તેમના હવા શુદ્ધ કરવાના ગુણ માટે જાણીતા છે. આ લેખમાં આવા છોડ વિશે જણાવવામાં આવ્યું છે જે તેમના હવા શુદ્ધિકરણ ગુણધર્મો માટે જાણીતા છે.

રાત્રે સૌથી વધુ ઓક્સિજન ઉત્પન્ન કરતા ઇન્ડોર પ્લાન્ટ્સ

દરેક છોડ ઓક્સિજન ઉત્પન્ન કરે છે પરંતુ કેટલાક ઓછા પ્રમાણમાં અને કેટલાક વધુ પ્રમાણમાં. કેટલાક છોડ દિવસ અને રાત્રે બંને સમયે ઓક્સિજન ઉત્પન્ન કરે છે. પ્રકાશની હાજરીમાં કાર્બન ડાયોક્સાઇડના શોષણથી ઓક્સિજન ઉત્પન્ન થાય છે. પરંતુ કેટલાક છોડ એવા છે જે ઘણા હાનિકારક વાયુઓને શોષી લે છે અને ઘણા કલાકો સુધી આપણા માટે ઓક્સિજન ઉત્પન્ન કરે છે. ચાલો જાણીએ આવા જ કેટલાક છોડ વિશે.

Image Source

1.સ્નેક પ્લાન્ટ – સારા સ્વાસ્થ્ય માટે સારા ભોજનની સાથે પર્યાવરણ અને સ્વચ્છ હવા પણ જરૂરી છે. અને આજકાલ વાયુ પ્રદૂષણ એ એક સામાન્ય સમસ્યા છે અને આપણે બધા તેની સામે ઝઝુમી રહ્યા છીએ. તે એક ઇન્ડોર પ્લાન્ટ છે જે હવાને શુદ્ધ કરવામાં ખૂબ મદદરૂપ થાય છે. NASAના એક રિપોર્ટ મુજબ, તે હવામાંથી ઝાયલીન, ફોર્માલ્ડીહાઈડ, ટોલ્યુઇન અને નાઈટ્રોજન ઓક્સાઈડને શુદ્ધ કરે છે. નાસાએ તેના અવકાશયાત્રીઓ માટે આ છોડનો ઉપયોગ કર્યો હતો જેથી તેઓ અંતરિક્ષમાં તાજી હવા મેળવી શકે.

તેની વિશેષતા એ છે કે તે રાત્રે પણ ઓક્સિજન ઉત્પન્ન કરે છે, જે બીજા છોડની સરખામણીએ વધુ છે, તેથી તેને વાયુ સાફ કરવા માટે આદર્શ માનવામાં આવે છે. તમે આને કાર્યસ્થળ પર, ઘરે કે જાહેર સ્થળોએ જોઈ શકો છો, જે હવામાંથી પ્રદૂષણનું પ્રમાણ ઘટાડે છે અને પ્રદૂષણને કારણે થતી કોઈપણ પ્રકારની બળતરા, એલર્જી, ઉબકા જેવી સમસ્યાઓ રોકે છે.

તેને ચાઈનીઝ વાસ્તુ જેને ફેંગશુઈ કહેવામાં આવે છે તે મુજબ પણ તેને શુભ માનવામાં આવે છે. તમે તેને દક્ષિણ કે પૂર્વ દિશામાં પણ રાખી શકો છો. આ છોડ તમારા ઘરને જોવા માટે આકર્ષક, સારા સ્વાસ્થ્ય, સકારાત્મક શક્તિઓ વગેરેને આકર્ષિત કરે છે.

Image Source

2. એરેકા પામ – આ છોડ તેના હવા શુદ્ધ કરવાના ગુણ માટે ખૂબ જ જાણીતો છે, આ ઉપરાંત તે જોવામાં પણ ખૂબ જ સુંદર છે. આજકાલ મોટાભાગના લોકો AC ચાલવાને કારણે પોતાના રૂમને સંપૂર્ણ રીતે બંધ કરી દે છે, જેના કારણે કુદરતી હવા કોઈપણ રીતે અંદર આવતી નથી. આ સમસ્યાના ઉકેલ રૂપે મોટાભાગના લોકો આ છોડને તેમના રૂમમાં ઉગાડે છે જે હવામાંથી અશુદ્ધિઓ દૂર કરે છે અને તમને સ્વચ્છ અને તાજી હવા પ્રદાન કરે છે.

આ છોડનું આયુષ્ય 10 વર્ષ છે. તે હવામાંથી એસીટોન, ટોલ્યુનિ જેવા ઝેરી પદાર્થોને દૂર કરવા માટે જાણીતું છે, આ દરેક ગેસ તમારા ફેફસાં માટે ખૂબ જ હાનિકારક છે અને એવું પણ માનવામાં આવે છે કે તે નાના બાળકોની તંત્રિકા પ્રણાલીના વિકાસમાં અત્યંત મદદરૂપ છે. તેથી, જો તમે તાજી હવાનો આનંદ માણવા ઈચ્છો છો તો તમારા ઘરોમાં આ છોડ ચોક્કસપણે લગાવો.

Image Source

3. સિંગોનિયમ – એવું માનવામાં આવે છે કે તેઓ ખૂબ જ શક્તિશાળી છે અને ભાગ્યે જ મૃત્યુ પામે છે. તેઓ નેફ્થાઈટિસ, ગૂસફૂટ, સિંગોનિયમ પોડોફાઈલમ વગેરે નામોથી પણ ઓળખાય છે અને તે એક સારો ઇન્ડોર પ્લાન્ટ છે જેને લોકો તાજી હવાની સાથે સાથે સારા ભાગ્ય માટે પણ ઘરમાં રાખવાનું પસંદ કરે છે.

તે દરેક પ્રકારની સકારાત્મક ઉર્જાને આકર્ષે છે અને તમારા ઘરથી દરેક પ્રકારના તણાવ અને ચિંતાને દૂર રાખે છે. તે દરેક પ્રકારની હવાની અશુદ્ધિઓને દૂર કરે છે અને શુદ્ધ હવા પ્રદાન કરે છે. તેઓ હવામાંથી ટોલ્યુની, બેન્ઝીન જેવી ઝેરી અશુદ્ધિઓ દૂર કરે છે. તેને રાખતી વખતે ધ્યાનમાં રાખો કે તેને સીધા સૂર્યપ્રકાશમાં ન રાખો, નહીં તો તે સુકાઈ જશે.

Image Source

4. ક્રોટોન – તે એક એવો છોડ છે જે ખાસ કરીને શણગાર માટે જાણીતો છે. તે ઘણા રંગો જેવા કે લાલ, પીળો, નારંગી, વગેરે રંગોમાં ઉપલબ્ધ છે અને તેના મોહક રંગોને કારણે ખૂબ જ આકર્ષક લાગે છે. એવું માનવામાં આવે છે કે તેને તમારા બેડરૂમમાં રાખવાથી ઘરમાં સકારાત્મક ઉર્જા આવે છે. તેને ઘરમાં કે કોઈપણ જગ્યાએ રાખતી વખતે આ વાતનું ધ્યાન રાખો કે તેને એક જ જગ્યાએ રાખો, તેની જગ્યા વારંવાર ન બદલો, તેનાથી તેના પાંદડા ખરી શકે છે.

તેમની પાસે હવાને શુદ્ધ કરવાની અદભૂત ક્ષમતા છે અને તે હવામાં રહેલ દરેક પ્રકારના હાનિકારક તત્વોને શોષી લે છે અને તાજી હવા આપે છે. તેથી, જો તમે ઇન્ડોર પ્લાન્ટ લેવાનું વિચારી રહ્યા છો, તો આ તમારા માટે એક સારો વિકલ્પ છે.

5.મની પ્લાન્ટ – આ એક એવો છોડ છે જેને બાળકો અને વડીલો દરેક લોકો ઓળખે છે અને તેનું કારણ કદાચ તેનું નામ પણ છે,જેને વાંચીને એવું લાગે છે કે તેના પર પૈસા ઉગશે પણ તે માત્ર નામ છે. તમે તેને સરળતાથી લોકોના ઘરોમાં જોઈ શકો છો અને તેના અન્ય ઘણા નામો છે જેમ કે એપિપ્રેમનમ ઓરિયમ, ડેવિલ્સ આઈવી, ગોલ્ડન પોથોસ તેમજ બીજા ઘણા. તે સદાબહાર છોડ છે અને તેના પાંદડા હાર્ટ શેપના હોય છે, જે જોવામાં ખૂબ જ આકર્ષક હોય છે.

તેને હવામાંથી વિવિધ પ્રકારની અશુદ્ધિઓ દૂર કરવા માટે પણ જાણવામાં આવે છે. તેમની પાસે વધુ ઓક્સિજન ઉત્પન્ન કરવાની અદભૂત ક્ષમતા પણ છે. ફેંગશુઈ અનુસાર, તે તમારા ઘરમાં સૌભાગ્ય પણ લાવે છે. એવું જાણવા મળ્યું છે કે તે તણાવ અને અનિદ્રાને દૂર કરવામાં પણ મદદરૂપ છે.

Image Source

6.ચાઈનીઝ એવરગ્રીન – આ છોડને ખૂબ જ મજબૂત છોડ તરીકે ચિહ્નિત કરેલ છે કારણ કે તેને વધુ કાળજીની જરૂર નથી. તે એક ઇન્ડોર પ્લાન્ટ છે અને કોઈપણ પરિસ્થિતિમાં તે જીવંત રહી શકે છે. તેના મોટા અને લીલા પાંદડા ખૂબ જ આકર્ષક લાગે છે તેમજ તેની હવા શુદ્ધ કરવાની ગુણધર્મ પણ ઘણા રોગોને દૂર કરે છે. તે હવામાંથી ફોર્માલ્ડીહાઈડ, કાર્બન મોનોક્સાઇડ, બેન્ઝીન જેવા હાનિકારક પદાર્થોને દૂર કરે છે અને ખૂબ જ તાજી હવા આપે છે.

જ્યારે આપણે શુદ્ધ વાતાવરણમાં શ્વાસ લઈએ છીએ ત્યારે તે આપણો મૂડ બદલી નાખે છે અને સારો અનુભવ થાય છે, તેનાથી તણાવ પણ ઓછો થાય છે. તેને વધુ સૂર્યપ્રકાશની જરૂર નથી હોતી, વધુમાં તેમને વધુ પાણી, ખાતર વગેરેની પણ જરૂર નથી હોતી.

Image Source

7. ડ્રેકેના ફ્રેગ્રેન્સ – ડ્રેકેના તેના આકર્ષક દેખાવ માટે જાણીતો છે અને તેને NASA દ્વારા સૌથી વધુ ઓક્સિજન ઉત્પન્ન કરનાર પ્લાન્ટ તરીકે ઓળખવામાં આવે છે. તે હવામાંથી 80% જેટલી અશુદ્ધિઓને શુદ્ધ કરી શકે છે જેથી તમારા ઘરની હવા સ્વચ્છ અને તાજી રહે. દૂષિત હવાને કારણે શ્વસન અને કિડનીના રોગોનું જોખમ વધારે રહે છે, આ દરેક માટે આ છોડ ખૂબ જ ફાયદાકારક હોય છે.

શુદ્ધ હવામાં ભેજ હોય છે અને તેનાથી તમારા ઘરનું તાપમાન ઠંડુ રહે છે, તે ઘણા હાનિકારક વાયુઓ જેવા કે, બેન્ઝીન, ટ્રાઇક્લોરોઈથીલીન, કાર્બન ડાયોક્સાઇડ વગેરેના સારા શોષક છે.

Image Source

8. સ્પાઈડર પ્લાન્ટ – આ છોડ તે ખાસ ઇન્ડોર પ્લાન્ટ્સમાંથી એક છે જે હવામાંથી કાર્બનની અશુદ્ધિઓને દૂર કરે છે અને તમારા ઘરમાં એક પ્રાકૃતિક હવા શુદ્ધિકરણ તરીકે કામ કરે છે. NASA એ 80ના દાયકામાં જ આ છોડના હવા શુદ્ધ કરવાના ગુણને સાબિત કર્યા હતા.

જેમ કે આપણે જાણીએ છીએ કે આપણા રૂમની હવા બહારની હવાની સરખામણીએ વધુ પ્રદૂષિત હોય છે, અને આવી સ્થિતિમાં તેને દૂર કરવા માટે તમારી પાસે હવા શુધ્ધ કરવાનું યંત્ર હોવું જોઈએ. તેનાથી બેસ્ટ એ છે કે તમે કુદરતી હવા શુદ્ધિકરણ અપનાવો અને તમારા ઘરોમાં આવા ઇન્ડોર પ્લાન્ટ લગાવો. તે ખૂબ જ સરળતાથી ઉગાડવામા આવે છે અને તેમની સંભાળમાં વધારે સમસ્યા પણ નથી હોતી.

9. એલોવેરા – આ એક શક્તિશાળી છોડ છે જેના ઘણા ફાયદાઓ છે. તેમાં ઘણા ગુણો છે જેમ કે તેની અંદર એક પ્રકારનું જેલ હોય છે, જેનાથી ત્વચા સંબંધિત તમામ પ્રકારની વિકૃતિઓ દૂર કરી શકાય છે. દાઝ, કાપ વગેરે પર તેનું જેલ ખૂબ અસરકારક રહે છે. આ દરેક ઉપરાંત છોડનો ઉપયોગ હવાને શુદ્ધ કરવા માટે પણ થાય છે. NASA ના અહેવાલ મુજબ, તેમા હવાને શુદ્ધ કરવાની ઉત્તમ શક્તિ હોય છે અને તેઓ આ પ્લાન્ટનો ઉપયોગ તેમના અંતરિક્ષ યાત્રીઓને સ્વચ્છ હવા આપવા માટે પણ કરે છે.

એલોવેરા હવામાંથી કાર્બનિક સંયોજનો દૂર કરે છે અને તેમાં રહેલ કાર્બન ડાયોક્સાઇડને શોષી લે છે અને પુષ્કળ માત્રામાં ઓક્સિજન પ્રદાન કરે છે.

Image Source

10.ઇંગ્લિશ ઇવી – તે હેડેરા હેલિક્સના નામે પણ ઓળખાય છે, તે તમારા બગીચા અથવા બાલ્કનીના શણગાર માટે ખૂબ જ ઉપયોગી છે. તે ઘરમાં ભેજ થવા દેતું નથી અને હવાને શુદ્ધ કરવાના તેના ગુણધર્મો માટે પણ જાણીતું છે. આ અસાધારણ ગુણધર્મો ધરાવતો સાધારણ છોડ છે. તેને ચોક્કસ અજમાવો અને તે તમને નિરાશ નહીં કરે.

Image Source

11.લેડી પામ – આ સૌથી આકર્ષક શો પ્લાન્ટ માથી એક છે જેને તમે હોટલ, જાહેર સ્થળો, બગીચાઓમાં ચોક્કસ જોયા જ હશે. તેમના પાન પીંછા જેવા હોય છે અને દેખાવમાં ખૂબ જ મજબૂત હોય છે.

તે હવામાંથી ફોર્માલ્ડીહાઈડ અને એમોનિયા જેવા તત્વોને દૂર કરવામાં મદદરૂપ છે અને તમારી આસપાસની હવાની ગુણવત્તામાં પણ સુધારો કરે છે. હવામાં ફોર્માલ્ડિહાઇડની હાજરીથી કેન્સર જેવી જીવલેણ બીમારીઓ થઈ શકે છે, પરંતુ લેડી પામ આ પ્રકારના ગેસોને સરળતાથી શોષી લે છે. તમે તેને સરળતાથી તમારા ઘરમાં પણ રાખી શકો છો.

Image Source

12.પાથિફાઈલમ – છોડમાં રહેલો ઘેરો લીલો રંગ પોતાની સાથે સકારાત્મક ઉર્જા લાવે છે અને છોડના કેટલાક ગુણોને લીધે તે આપોઆપ મહત્વ વધારી દે છે. તેમાં હવાને શુદ્ધ કરવાના વિશેષ ગુણો પણ હોય છે.

આ છોડ હવામાંથી ટ્રાઇક્લોરોઈથીલીન, બેન્ઝીન, ઝાયલીન, ફોર્માલ્ડીહાઇડ, ટોલ્યુનિ અને એમોનિયા જેવી અશુદ્ધિઓને દૂર કરવામાં મદદ કરે છે. તમે તેને તમારા ઘરમાં સજાવી શકો છો અને તે તમારા ડ્રોઈંગ રૂમને ખૂબ જ આકર્ષક બનાવે છે.

Image Source

13.બોસ્ટન ફર્ન – સામાન્ય રીતે છોડ દિવસ દરમિયાન પ્રકાશસંશ્લેષણ કરે છે, સૂર્યપ્રકાશની હાજરીમાં તેઓ કાર્બન ડાયોક્સાઇડને શોષી લે છે અને ઓક્સિજન છોડે છે. બોસ્ટન ફર્ન સૌથી લોકપ્રિય શો પ્લાન્ટ્સમાથી એક છે. તેઓ બેન્ઝીન અને ફોર્માલ્ડીહાઈડના સારા શોષક છે અને આવા ગેસ તમારા ઘરમાં સરળતાથી મળી જાય છે.

કેટલીકવાર આ હાનિકારક વાયુઓનો મુખ્ય સ્ત્રોત પ્લાસ્ટિક, સિગારેટ વગેરેનો ધુમાડો હોય છે. બોસ્ટન ફર્નને તેમના હવા શુદ્ધ કરવાના ગુણ માટે પણ ઓળખવામાં આવે છે, તેને સૂર્યપ્રકાશના સીધા સંપર્કમા લાવવાની જરૂર નથી અને તે સરળતાથી રૂમની અંદર પણ ઉગી શકે છે.ફક્ત એક બાબતનું હંમેશા ધ્યાન રાખવું કે તેમના મૂળમાં ભેજ હોય બાકી તેમની સંભાળ રાખવી પણ ખૂબ જ સરળ છે.

Image Source

14. વીપિંગ ફિગ- દક્ષિણ એશિયાના મુલથી જન્મેલા વીપિંગ ફિગ અત્યંત સંવેદનશીલ હોય છે અને તે સરળતાથી તેમના સ્થાનમાં પરિવર્તન કે પ્રકાશમાં વધઘટ થવા, નાઈટ્રોજનની ઉણપ વગેરેથી પ્રભાવિત થાય છે. અનિયમિત પાણી પુરવઠો પણ તેમને અસર કરે છે, તેથી તેમની યોગ્ય કાળજી જરૂરી છે. આટલી સાવધાની રાખવાથી તમને શું મળે છે? તેમાં હવાને શુદ્ધ રાખવાની અદભૂત ક્ષમતા હોય છે જે તમારા ઘરમાંથી બેન્ઝીન, ઝાયલીન વગેરે જેવા ઝેરી વાયુઓને દૂર કરવામાં મદદરૂપ થાય છે.

હવાને શુદ્ધ કરવા ઉપરાંત, તે તેની સાથે કેટલાક ઔષધીય ગુણધર્મો પણ ધરાવે છે અને તેના પાન કોઈપણ પ્રકારના ઘા કે કાપને સારું કરવામાં નિપુણ હોય છે.

નિષ્કર્ષ – છોડ સૌથી ઉત્તમ હવાના શોધક હોય છે,તેમને માત્ર થોડું પાણી અને કાળજીની જરૂર છે. વાસ્તુ અને ફેંગશુઈ અનુસાર પણ છોડ ખૂબ જ શુભ હોય છે અને તે ઈલેક્ટ્રોનિક એર પ્યુરિફાયરને બદલે ખૂબ સસ્તા પણ હોય છે. લીલો રંગ આપણો મૂડ બદલી નાખે છે અને આપણને શાંતિ આપે છે. આવા સરસ લેખો વાંચવા માટે અમારી વેબસાઈટ વાંચતા રહો અને પોતે પણ સ્વસ્થ રહો અને બીજાને પણ સ્વસ્થ રાખો.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team