પહેલીવાર માતા બનનાર મહિલાઓને ઘણી સમસ્યાનો સામનો કરવો પડે છે, તેને ચોક્કસપણે જાણ હોવી જોઈએ આ 5 બાબતો
જ્યારે કોઈ મહિલા પહેલી વાર માતા બને છે તો તેમના માટે પોતાના બાળકની સંભાળ કરવી ખૂબ મુશ્કેલ હોય છે. બાળકના જન્મ પછી માતાની જવાબદારી ખૂબ વધી જાય છે. નાના બાળકોની ખૂબ વધારે સંભાળ કરવી પડે છે અને તેના માટે કંઈપણ કરતી વખતે દરેક નાની નાની બાબતોનું ધ્યાન રાખવું પડે છે. જ્યારે કોઈ મહિલા પેહલી વાર માતા બને છે તો તે ઘણીબધી વસ્તુઓથી અજાણ હોય છે, સાથેજ કેટલીક સ્થિતિઓમાં તે ઘણી ચિંતિત અને મુશ્કેલીનો અનુભવ કરે છે. તેથી તેને કેટલીક જરૂરી બાબતો વિશે જાણ હોવી જરૂરી છે. પેહલી વાર માતા બનનાર મહિલા માટે બાળકોની સંભાળ રાખવી એ કોઈ સમસ્યાથી ઓછી નથી, કેમકે તે દરમિયાન તેને પણ ઘણા પ્રકારની સમસ્યાઓનો સામનો કરવો પડે છે. આ લેખમાં અમે તમને એવી 5 બાબતો વિશે જણાવી રહ્યા છીએ જેના વિશે પેહલી વાર માતા બનનાર મહિલાઓ માટે જાણવું જરૂરી છે.
1. બાળકના ભોજનનું ખાસ ધ્યાન રાખવાનું હોય છે –
જ્યારે બાળક નાનું હોય છે તો તેને ફક્ત માતાનું દૂધ પીવડાવવાની અથવા સ્તનપાન કરાવવાની સલાહ આપવામાં આવે છે. ડોકટરની સલાહ મુજબ બાળકોને 6 મહિના સુધી ફક્ત સ્તનપાન જ કરાવવું જોઈએ, ત્યારબાદ તેને ઘીમે ઘીમે નક્કર ખોરાક ખવડાવવાનું શરૂ કરવું જોઈએ. બાળકોના શરૂઆતના સમયમાં ફક્ત તેને પોષણ પ્રદાન કરવા અને તેની ઈમ્યુનીટીને મજબૂત બનાવવા માટે ફક્ત માતાનું દૂધ જ મદદરૂપ હોય છે. ફક્ત તેટલું જ નહીં માતાના દૂધની ગુણવતા પણ માતાના ભોજન પર આધાર હોય છે. તમારું ભોજન જેટલું સારું હશે તમારા દૂધની ગુણવતા પણ તેટલી જ સારી હશે. તેથી પોષક તત્વોથી ભરપૂર ભોજનનું સેવન કરો અને પુરતું પાણી પીઓ. બાળકોને નક્કર પદાર્થો શરૂ કરતાં પેહલા તમારા ડોક્ટરની સલાહ લો.
2. બાળકોને સ્તનપાન કરાવવામાં ઉતાવળ કરવી નહિ –
બાળકોને સ્તનપાન કરાવવામાં ઘણીવાર માતાઓ અસ્વસ્થ અનુભવ કરે છે. આ સ્થિતિમાં તે બાળકને સ્તનપાન કરાવવામાં ઉતાવળ કરે છે, કેમકે ઘણીવાર માતાઓ માટે સ્થિતિ ઘણી અસ્વસ્થ હોય છે અને ઘણીવાર તે યોગ્ય સ્થિતિમાં પણ બાળકોને સ્તનપાન કરાવવામાં અસમર્થ થાય છે. પરંતુ તેમ કરવું માતા અને બાળક બંને માટે યોગ્ય નથી. આ દરમિયાન બાળક સરખી રીતે દૂધ પી શકતું નથી. તેથી પ્રયત્ન કરો કે બાળકને દૂધ પીવડાવતી વખતે તમે સ્વસ્થ રહો અને સરખી પોઝીશનમાં સ્તનપાન કરાવો. તમે ઇચ્છો તો આ દરમિયાન સંગીત પણ સાંભળી શકો છો, તે તમને આરામદાયક અનુભવ કરાવશે.
3. માતાના સ્વાસ્થ્ય માટે પણ સ્તનપાન કરાવવું યોગ્ય હોય છે –
બાળકના સ્વાસ્થ્ય માટે માતાનું દૂધ ખૂબ જ જરૂરી છે. પરંતુ જેટલું સ્તનપાન બાળક માટે ફાયદાકારક છે, તેટલો જ લાભ સ્તનપાન કરાવતી માતાઓને પણ મળે છે. બાળકને સ્તનપાન કરાવવાથી ઘણી સ્વાસ્થ્ય સમસ્યાઓથી છુટકારો મળે છે. તેની સાથે માતાઓના શરીરને પણ તેનાથી રાહત મળે છે. તેમાં તમે બાળકને કેવી રીતે સ્તનપાન કરાવો છો અથવા તમે કઈ સ્થિતિમાં સ્તનપાન કરાવો છો, તે પણ મહત્વપૂર્ણ ભૂમિકા ભજવે છે. તમારા બાળકને એવી સ્થિતિમાં સ્તનપાન કરાવો જે બાળક અને માતા બંને માટે આરામદાયક હોય. આ માટે તમે તમારા ડૉક્ટરની સલાહ પણ લઈ શકો છો.
4. સ્તનપાન દરમિયાન તમારા બાળકને યોગ્ય રીતે પકડી રાખો. –
જ્યારે તમે સ્તનપાન કરાવતા હોવ ત્યારે તમે તમારા બાળકને કેવી રીતે પકડી રાખો છો તે ખૂબ મહત્વનું છે. કેટલીકવાર તમારા બાળકને તમારી મજબૂત અથવા ખૂબ દબાણથી અસર થઈ શકે છે. તમે તમારા બાળકને સ્તનપાન કરાવવા માટે અલગ-અલગ સ્થિતિમાં પકડી શકો છો, જેમ કે પડખે સૂવું, ફૂટબોલની જેમ તેને પકડી રાખવું, પારણું પકડવું અને ક્રોસ ઓવર હોલ્ડ કરવું. આ રીતે બાળકને સ્તનપાન કરાવવાથી દૂધ પીવામાં કોઈ સમસ્યા થતી નથી, સાથે જ મહિલાઓને પણ સ્તનપાન દરમિયાન સ્તનમાં દુખાવો થતો નથી. તેથી બાળકને પકડવાની સાચી રીત જાણવી ખૂબ જ મહત્વપૂર્ણ છે.
5. બાળકના જન્મ પછી દૂધ આવવું જરૂરી નથી –
ઘણી વખત એવું બને છે કે બાળકને જન્મ આપ્યા પછી કેટલીક સ્ત્રીઓના સ્તનોમાંથી દૂધ નથી નીકળતું. મહિલાઓ આ બાબતને લઈને ખૂબ જ ચિંતિત અને તણાવગ્રસ્ત બની જાય છે. પરંતુ આવું થવું એકદમ સામાન્ય છે અને તે સામાન્ય રીતે તેનાથી કોઈ નુકસાન કરતું નથી. જ્યાં સુધી તે તબીબી સ્થિતિ સાથે સંકળાયેલ નથી. તે જરૂરી નથી કે તમામ મહિલાઓને બાળકને જન્મ આપ્યા પછી તેમના સ્તનોમાંથી દૂધ આવવું જોઈએ. તે તમારી ડિલિવરી કેવી રીતે થઈ છે તેના પર પણ આધાર રાખે છે, ઉદાહરણ તરીકે, જો કોઈ મહિલાને નોર્મલ ડિલિવરી થઈ હોય, તો તે થોડા સમય પછી સ્તનપાન માટે તૈયાર થાય છે, જ્યારે સિઝેરિયન ડિલિવરી કરાવતી મહિલાઓ બાળકને સ્તનપાન કરાવવામાં થોડો સમય લાગી શકે છે. તેમાં ગભરાવાની કે ચિંતા કરવા જેવું કંઈ નથી.
જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.
નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.
Author: FaktGujarati Team