🤰જાણો, ગર્ભાવસ્થા ધારણ કરવા માટેની શ્રેષ્ઠ ઉંમર કઈ હોય શકે…

સ્ત્રીની ઉંમર અને ગર્ભાવસ્થા ધારણ કરવા વચ્ચે ગાઢ સંબંધ છે. સંશોધન પ્રમાણે, વધતી ઉંમરની સાથે મહિલાના ગર્ભાવસ્થાની શક્યતાઓ પણ ઘટી જતી હોય છે. વૈજ્ઞાનિક આધારે ડોક્ટરો કહે છે કે, ટીનેજરમાં પિરિયડ આવતાની સાથે જ તેની પ્રજનન પ્રણાલી પણ સક્રિય થઈ જતી હોય છે. આ રીતે સ્ત્રી મેનોપોઝમાં આ સ્ટેજ પર પહોંચતા પહેલાં બાળકને જન્મ આપી શકે છે. જેને સ્ત્રીની પ્રજનનના 12 વર્ષ થી લગભગ 51 વર્ષ સુધી ગણવામાં આવે છે.

તો આજના આ લેખમાં આપણે એ વિશે જાણીશું કે, સ્ત્રી ને ગર્ભાવસ્થા ધારણ કરવા માટેનો કયો સમય યોગ્ય છે કે, કેટલા સમય સુધી તે ગર્ભવતી થઈ શકે છે.

સ્ત્રીની ગર્ભાવસ્થા ધારણ કરવા માટેનો સમય –

કોઇપણ સ્ત્રી મેનોપોઝની ઉંમર સુધી બાળકને જન્મ આપવા માટે સક્ષમ હોય છે પરંતુ, ગર્ભાવસ્થા માટેનો સૌથી શ્રેષ્ઠ સમય 20 થી 35 વર્ષની વચ્ચે નો માનવામાં આવે છે કારણ કે, વધતી ઉંમર સાથે ગર્ભવતી થવાની ક્ષમતામાં ઘટાડો થવા લાગે છે. આ બાબત નીચેની કેટલીક બાબતો દ્વારા વિગતવાર સમજી શકાય છે.

• 20 વર્ષ અને તેનાથી વધુ ઉંમરની તંદુરસ્ત મહિલાઓની ગર્ભાવસ્થા ધારણ કરવાની શકયતા 25% હોય છે. જેને શ્રેષ્ઠ ગણવામાં આવે છે.
• 30 થી 35 વર્ષની તંદુરસ્તી માટે ગર્ભાવસ્થા ધારણ કરવાની સંભાવના ઘટીને 20% થાય છે, જેને ચિંતાનો વિષય માનવામાં આવતો નથી.
• એ જ સમયે 35 વર્ષ પછી તંદુરસ્ત મહિલાની ગર્ભવતી થવાની શક્યતા ફક્ત 15% રહે છે.
• એ જ રીતે 40 વર્ષ અને તેથી વધુ વયની તંદુરસ્ત મહિલા માટે ગર્ભવતી થવાની સંભાવના ફક્ત 5 ટકા હોય છે.
• જન્મ સમયે સ્ત્રીના શરીરમાં કુદરતી રીતે લગભગ 20 લાખ ઈંડા હોય છે. જે દર વર્ષે ઘટતા જાય છે 38 વર્ષની ઉંમરે આ ઈંડા ની સંખ્યા ઘટીને 25,000 થઇ ગઇ હોય છે. તે જ સમયે 50 વર્ષની ઉંમર પછી ઈંડા ફક્ત 1000 બાકી હોય છે. ઉંમરની સાથે આ ઈંડાની ગુણવત્તામાં પણ ઘટાડો થતો હોય છે.
• વધતી ઉંમરે સ્ત્રીઓને એન્ડોમેટ્રીઓસિસ અને ટ્યુબલ રોગ જેવી સમસ્યાઓ પણ ઉભી થઈ શકે છે. જે પ્રજનન ક્ષમતા પર સીધી અસર કરે છે.
• એ ઉપરાંત કેન્સરની સારવાર અને પેલ્વિક ઇન્ફેક્શન જેમ કે સ્મોકિંગ, રેડિએશન અને કિમોથેરાપી પણ ગર્ભાવસ્થા પર અસર કરી શકે છે.

35 વર્ષથી વધુની ઉંમર હોય અને ગર્ભવતી હોય તો જોખમ – આ ઉંમરમાં ગર્ભાવસ્થા ધારણ કરવા પર મહિલાને અનેક પ્રકારની શારીરિક સમસ્યાઓનો સામનો કરવો પડી શકે છે.

સગર્ભાવસ્થામાં ડાયાબિટીસ, હાઈ બ્લડપ્રેશર, પ્રિ – એકલેમપ સિયા, કસુવાવડ, અકાળે ડીલીવરી, પ્લેસેંટા પ્રિવિયા, સિઝેરિયન ડિલિવરી ડિલિવરી પછી ભારે રક્તસ્રાવ થવો, ઓછું જન્મ વજન ડાઉન સિન્ડ્રોમ જેવી રંગસૂત્ર ની સમસ્યાઓ ઊભી થઈ શકે છે.

સ્ત્રીની માસિક ચક્રના શરૂઆતથી મેનોપોઝ સુધી ગર્ભાવસ્થા થઈ શકે છે. તેમ છતાં તે વધુ સારું માનવામાં આવે છે કે, જો સ્ત્રી 35 વર્ષથી વધુની હોય તો, તેને ગર્ભવતી થવાનું જોખમ લેવું જોઈએ નહીં. કારણ કે એ માતા અને બાળક બન્ને માટે સમસ્યાઓ ઉભી કરી શકે છે. જો કોઇ મહિલાને મોટી ઉંમરે પ્રેગનન્ટ થવું હોય તો, તેણે પ્લાનિંગ પહેલા ગાયનેકોલોજિસ્ટની સલાહ જરૂરથી લેવી જોઈએ.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team