👩લાંબા, સુંદર વાળ માટે અજમાવો આ સરળ ઉપાય, વાળની બધી સમસ્યાઓમાંથી પણ મળશે છુટકારો

આજના લેખમાં અમે તમને એવા ઉપાય વિશે જણાવીશું જેનાથી વાળને લાંબા અને સિલ્કી બને છે, ખરતા વાળ અટકે છે, સફેદ વાળની સમસ્યા દૂર થાય છે, બે મોઢાવાળા વાળ ની સમસ્યા માંથી પણ છુટકારો મળે છે અને વાળ મૂળમાંથી મજબૂત બને છે.

આ ઉપાય ઔષધિય વનસ્પતિ એલોવેરાનો છે. એલોવેરાનો છોડ પોતાના ઘરે જરૂરથી લગાવવો જોઈએ. તે ઓષધીય ગુણોથી ભરપૂર છે એને ધૃતકુમારી, કુંવારપાઠુ વગેરે નામોથી પણ ઓળખવામાં આવે છે.

એલોવેરા નો ઉપયોગ કરવાથી વાળ ચમકદાર, ઘટ્ટ, લાંબા અને મજબૂત બને છે. એલોવેરાનો આ ઉપાય પ્રાકૃતિક રીતે વાળને સુંદર બનાવે છે. જેનાથી કોઈ પણ નુકસાન પણ થતું નથી. એલોવેરા પ્રકૃતિનું એક મોટું વરદાન છે. એલોવેરાના જેલમાં વિટામિન એ, વિટામિન બી-12, વિટામિન સી ભરપૂર માત્રામાં રહેલા હોય છે. માટે જ એલોવેરા જેલ વાળની સાથે સાથે ત્વચા માટે પણ ખૂબ જ ફાયદાકારક છે.

એલોવેરાના તાજા પાનને કાપી ને કટ કરીને તેને થોડી વાર એમ જ રાખવું. એમાંથી નીકળતું પીળા કલરનું ચીકણું પ્રવાહી નીકળી જવા દેવું. કારણ કે એ ખૂબ જ એલર્જિક હોય છે. ત્યાર બાદ એને ધોઈને સાફ કરીને ઉપયોગમાં લેવું. એલોવેરા ના પાન પર જે કાંટા વાળો ભાગ હોય હટાવીને એમાંથી જેલને અલગ કરી લેવી.

એલોવેરા ચહેરાને ચમકદાર બનાવે છે અને ચહેરા પરના ડાઘ, ધબ્બાને પણ દૂર કરે છે. એ જ રીતે વાળ માટેના પણ બધાં જ પોષકતત્વો એલોવેરામાં રહેલા છે. એમાં બધા જ પ્રકારના ન્યુટ્રીશન રહેલા છે.

આજે અમે અહીં જે ઉપાય જણાવવા જઈ રહ્યા છે, એના માટે તમારે એક મોટી ચમચી કોફી પાવડર લેવાનો છે. કોફીનો ઉપયોગ કરવાથી હેર ફોલ બંધ થાય છે, કોફી એન્ટીઓક્સીડેન્ટથી ભરપૂર હોય છે, એના ઉપયોગથી બ્લડ સરકયુલેશન સારુ થાય છે, નેચરલ હેર કંડીશનરનું કામ કરે છે, નેચરલ હેર ડાઇનું કામ કરે છે, વાળને ઘટ્ટ બનાવે છે, વાળના મૂળને મજબૂત કરે છે. કોફીમાં રહેલું કેફીન વાળ માટે ખૂબ જ ફાયદાકારક સાબિત થાય છે. પ્રદૂષણ અને ગંદકીના કારણે પણ વાળ ખરવાની સમસ્યા થતી હોય છે.

આ ઉપાય કરવા માટે એલોવેરા જેલના પાન પરથી એના કાંટા વાળો ભાગ ને અલગ કરીને પાંદડા સહિત મિક્સરમાં ક્રશ કરીને પેસ્ટ બનાવી લેવી. આ પેસ્ટમાં 1 મોટી ચમચી કોફી પાવડર મિક્સ કરવો. આ પેસ્ટને વાળમાં લગાવી લેવી. ત્યારબાદ એને 30થી 40 મિનિટ સુધી રહેવા દેવું. આ હેર માસ્ક લગાવ્યા બાદ આંગળીઓ વડે વાળ માં હળવો મસાજ કરવો. ત્યારબાદ હેર વોશ કરી લેવા. વાળ ધોતી વખતે તમે શેમ્પૂનો ઉપયોગ કરી શકો છો, પરંતુ એનું વધુ સારું રિઝલ્ટ મેળવવા માટે બીજા દિવસે વાળમાં શેમ્પૂ કરો તો એનું પરિણામ વધુ સારુ રહે છે. માટે જ્યારે આ મિશ્રણ વાળમાં લગાવો ત્યારે ફક્ત સાદા પાણીથી વાળ ધોવા. એનાથી વધુ શ્રેષ્ઠ પરિણામ મળે છે. અઠવાડિયામાં એકવાર આ હેર માસ્કનો ઉપયોગ કરવો જોઇએ. એને વાળના મૂળમાં અને વાળ પર લગાવવું.

Image Source

આ ઉપાય કરવામાં કોઈ પૈસા ખર્ચ કરવા પડતા નથી અને શ્રેષ્ઠ પરિણામ મેળવી શકાય છે. લાંબા અને મજબૂત વાળ એ આપણી સુંદરતામાં વધારો કરે છે. એલોવેરાનો છોડ ખૂબ જ સરળતાથી મળી રહે છે એને પોતાના ઘરે જરૂરથી લગાવવો જોઈએ. એ ઔષધીય ગુણોથી ભરપૂર હોય છે. વાળ અને ત્વચાની સુંદરતા માટે કેમિકલયુક્ત વસ્તુઓનો ઉપયોગ કરવાની જગ્યાએ આ ઉપાય અજમાવવો જોઈએ.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team