🥮શું તમને ઉનાળાની ઋતુમાં ગળ્યું ખાવાની ઈચ્છા થાય છે? તો અજમાવો આ સ્વાદિષ્ટ અને ઠંડક પહોંચાડતી રબડી કેકની રેસિપી

રબડીનું નામ લેતા જ મોંમાં પાણી આવવા લાગે છે. આમ પણ ગળ્યું ખાવા માટે તો જીભ હંમેશા તેની જાતે જ લપલપાવવા લાગે છે. તેમજ, ઉનાળાની ઋતુમાં ઠંડી મીઠાઈનો સ્વાદ કંઇક અલગ જ હોય છે. આ ઋતુમાં અમે તમારા માટે લઈને આવ્યા છીએ એક ઝડપથી બનતી કેકની સરળ રેસિપી.

Image Source

જી હા, અમે વાત કરી રહ્યા છીએ સ્વાદિષ્ટ રબડી કેકની. રબડી કેકથી ઠંડક તો મળશે જ, તે ઉપરાંત તમારું ગળ્યું ખાવાની ઈચ્છા પણ પૂરી થશે. ચાલો અમે તમને સ્વાદિષ્ટ રબડી કેક બનાવવાની રેસીપી જણાવીએ.

રબડી કેક બનાવવા માટે જરૂરી સામગ્રી :

સ્પંજ બનાવવા માટે : મેંદો, તેલ, દળેલી ખાંડ,દૂધ, બેકિંગ પાઉડર, બેકિંગ સોડા અને વેનીલા એસેંસ.

રબડી બનાવવા માટે : દૂધ, ખાંડ, એલચી પાઉડર, કેસર અને સૂકા મેવા.

Image Source

•રબડી કેક બનાવવાની રીત :

સૌથી પેહલા એક મિક્સર બાઉલમાં દહી, તેલ અને વેનીલા એસેંસ ઉમેરીને 2-3 મિનિટ મિશ્રણને સતત ફેટો. બધી સૂકી સામગ્રી ( મેંદો, બેકિંગ પાઉડર, બેકિંગ સોડા, દળેલી ખાંડ ) ને ચાળણીમાં નાખી અને ચાળો. હવે તેને સરખી રીતે મિક્સ કરી અને એક કેક મોલ્ડમા બેટરને ફેરવો. ધ્યાન રાખવું કે મોલ્ડમાં પેહલા થોડી ચીકાશ લગાવી લેવી જેથી બેટર તેમાં ચોંટે નહીં. હવે એક વાસણ લો અને એક ગ્લાસ પાણી નાખો. વાસણને ધીમા તાપે 10 મિનિટ માટે પેહલાથી ગરમ કરો. પછી કેકના ઘાટને વાસણમાં ફીટ કરી અને 40 મિનિટ માટે ધીમા તાપમાને બેક કરો. 40 મિનિટ પછી ઢાંકણ ખોલી અને એક ટુથપિક ની મદદથી કેકની તપાસ કરો. આ ઉપરાંત તેને તમે માઇક્રોવેવમાં પણ બેક કરી શકો છો.

Image Source

રબડી માટે એક વાસણમાં 1 લીટર દૂધ નાખો અને દૂધ અડધું થાય ત્યાં સુધી તેને પકાવો. કેસર વાળું દૂધ, લીલી એલચી પાવડર અને ખાંડ નાખીને સરખી રીતે મિક્સ કરી અને થોડા સમય માટે ઢાંકીને રાખો. ત્યારબાદ સ્પંજને કાઢીને તેના ઉપર ટુથપીક ની મદદથી કાણા કરો. તેના પર રબડીનું મિશ્રણ નાખી, બદામ પિસ્તા અને ગુલાબથી સજાવટ કરો અને ફ્રીજમાં ઠંડી થવા માટે રાખો. તમારી સ્વાદિષ્ટ રબડી કેક બનીને તૈયાર છે.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team