🍨સળગતી ગરમીથી રાહત મેળવવા માટે ઘરે સરળતાથી બનાવો કેસર પિસ્તા આઇસક્રીમ, જાણો તેની રેસીપી

સખત ગરમીમાં શું તમે શરીરને ઠંડક આપવા એક સ્વાદિષ્ટ આઇસ્ક્રીમ ખાવા ઈચ્છો છો, તો પેશ છે એક આકર્ષક કેસર પિસ્તા આઇસ્ક્રીમ, જેને તમે ઘરે પણ સરળતાથી બનાવી શકો છો.

ઘરે આઈસ્ક્રીમ બનાવવાની સૌથી સારી બાબત એ છે કે તમે ઉપયોગ કરેલ સામગ્રીઓ વિશે સુનિશ્ચિત થઇ શકો છો અને તમે તમારી પસંદગી મુજબ સામગ્રી ઉમેરી શકો છો. કેસર, દૂધ, કન્ડેન્સ્ડ મિલ્ક, પિસ્તા, ફેટેલા ક્રીમથી બનાવીને આ આઇસ્ક્રીમ ના મિશ્રણને તૈયાર કરી ફ્રીઝ કરી લો. તમારી આઇસ્ક્રીમ તૈયાર છે. આ આઇસ્ક્રીમ કેટલીક સરળ સામગ્રી સાથે બનાવો અને તમે તેને જન્મદિવસ, કીટી પાર્ટી, વર્ષગાંઠ વગેરે પ્રસંગો પર પીરસી શકો છો.

Image Source

• સામગ્રી
• • 250 મિલી ફેટેલું ક્રીમ
  • 200 ગ્રામ કન્ડેન્સ્ડ મિલ્ક
  • જરૂરિયાત મુજબ ખાંડ
  • 2 ચમચી વેનીલા એક્સ્ટરેક્ટ
  • જરૂરિયાત મુજબ પિસ્તા
  • બદામ જરૂરિયાત મુજબ
  • 1 લિટર દૂધ
  • 5 તાંતણા કેસર

Image Source

રીત –

આ સ્વાદિષ્ટ આઇસ્ક્રીમને ઘરે બનાવવા માટે દૂધ ઉકાળીને અડધું કરી લો. તેમાં કેસરના તાંતણા નાખીને એક બાજુ રાખી દો. આ દરમિયાન એક મેસન જાર અથવા તેના જેવું જ કન્ટેઇનર લો તેમજ ફેટેલુ ક્રીમ, ખાંડ અને વેનીલા એસેન્સ લો અને તેને ત્યાં સુધી યોગ્ય રીતે ફેટવું જ્યાં સુધી તે ફિણાવાળું ન થાય.

એક બીજા વાસણમાં મીઠું કન્ડેન્સ્ડ મિલ્ક નાખો અને તેને હલાવતા રહો. તેમાં કેટલાક કાપેલા પિસ્તા, બદામ અને કેસર વાળુ દૂધ નાખો. આ દરેક વસ્તુઓ સરખી રીતે પકાવો જ્યાં સુધી મિશ્રણ યોગ્ય રીતે ઉકળી ન જાય. ત્યારબાદ ગેસ બંધ કરી દો અને ફીણ વાળુ ફ્રેશ ક્રીમ મિશ્રણમાં ભેળવી દો. આ દરેક વસ્તુઓ એકબીજા સાથે ભેળવી લો.

બ્લેન્ડ કરેલા આઇસ્ક્રીમ ના મિશ્રણને એક કન્ટેઈનરમા નાખો અને હવાચુસ્ત કન્ટેઈનરનું ઢાંકણ ટાઇટ બંધ કરી દો. તેને ફ્રિઝ મા રાખી દો. 3 કલાક પછી કન્ટેઈનરને બહાર કાઢી લો. આઇસક્રીમ સેમી સેટ હશે. આઇસક્રીમ ને ફરીથી બ્લેન્ડર થી ફેટી લો.

આઇસક્રીમ ઉપર કાપેલી બદામ અને પીસ્તા થી ગાર્નિશ કરો અને કન્ટેનરમાં આખી રાત માટે ફ્રીઝ મા રાખી દો. બીજા દિવસે આઇસક્રીમ ખાવા માટે તૈયાર છે.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team