ઉનાળામાં શરીરને ઠંડક આપવા માટે ખાઓ આ ચીજ વસ્તુઓ, નહી રહે પાણીની ઉણપ

ઉનાળામાં આહાર વિશે ખૂબ જ ખાસ ધ્યાન રાખવાની જરૂર પડે છે. આ ઋતુ એવી છે જેમાં ઠંડી વસ્તુઓનું સેવન કરવું જોઈએ જેથી શરીરમાં પાણીની ઉણપ ન વર્તાય. આ ઋતુમાં થોડી ઘણી બેદરકારી પણ તમારા સ્વાસ્થ્ય માટે નુકસાનકારક સાબિત થઈ શકે છે.

ગરમીની મોસમ ની શરૂઆત થઈ ચૂકી છે. આ સમયે સવારે અને સાંજે ઠંડી હવા ફૂંકાય છે. બદલાતી ઋતુમાં પોતાના સ્વાસ્થ્યની પૂરતી કાળજી રાખવી. આ ઋતુમાં પોતાના આહારનું ખાસ ધ્યાન રાખવું. ખાસ કરીને એવી વસ્તુઓનું સેવન કરવું જોઈએ જેનાથી તમારું શરીર ઠંડું રહે અને પાણીની ઉણપ વર્તાય નહી. આ ઋતુમાં થોડી ઘણી બેદરકારી પણ તમારા સ્વાસ્થ્ય માટે નુકશાનકારક સાબિત થઈ શકે છે. તો ચાલો જાણીએ કે એવી કઈ વસ્તુઓ છે જેનું સેવન આ ઋતુ દરમિયાન કરી શકાય –

તરબૂચ – તરબૂચમાં 70 ટકા પાણી હોય છે. તેમાં ફક્ત પાણી જ નહી પરંતુ વિટામિન સી, એ અને મેગ્નેશિયમ પણ ભરપુર માત્રામાં હોય છે. આ ઉપરાંત કેલરીની માત્ર પણ ઓછી હોય છે. તેથી તરબૂચ ખાવાથી વજન પણ વધતું નથી અને તમારું પત પણ લાંબા સમય સુધી ભરેલું રહે છે. તેમાં ઘણા પ્રકારના એન્ટી ઓક્સિડન્ટ હોય છે જેની મદદથી ડાયાબિટીસ અને હદય સબંધી રોગોનું જોખમ રહેતું નથી.

એપ્રિકોટ –એપ્રિકોટ મા બીટા કેરોટિન હોય છે. તે ત્વચા માટે પણ ફાયદાકારક હોય છે. નિયમિત તેનું સેવન કરવાથી ત્વચા ઑઇલી થતી નથી.

કાકડી – ઉનાળામાં કાકડી ખાવી ખૂબ ફાયદાકારક છે. તેનું સેવન કરવાથી શરીરમાં પાણીની ઉણપ રહેતી નથી. કાકડીમાં વિટામિન કે, પોટેશિયમ, મેગ્નેશિયમ અને ફાયબરની ભરપુર માત્રામાં હોય છે જે કબજિયાતની સમસ્યાથી રાહત આપે છે. આ ઉપરાંત કાકડી ખાવાથી લાંબા સમય સુધી તરસ પણ નથી લાગતી.

કીવી – કીવીનો ખાટો મીઠો સ્વાદ મોટાભાગે લોકોને પસંદ હોય છે. તેમાં વિટામિન બી1, બી2 અને બી3 અને વિટામિન સી ની ભરપુર માત્રા મળે છે. તેનાથી હદય, દાંત, કિડની અને મગજ સારું રહે છે.

દહી – દહીંમાં વિટામિન, કેલ્શિયમ, ફોસ્ફરસ, પોટેશિયમ અને મિનરલ્સની ભરપુર માત્રા હોય છે. તે તમારા હાડકા માટે પણ સારું હોય છે. જો તમે 250 ગ્રામ દહીં ખાવ છો તો તેમાં 75 ટકા પાણી હોય છે. જો તમે તમારું વજન ઓછું કરવા ઈચ્છતા હોય તો તમારા આહારમાં દહીંનો સમાવેશ કરો. તેનાથી તમારું વજન વધશે નહીં.

નારિયેળ પાણી અને છાશ – ઉનાળામાં શરીરની ઠંડક માટે નારિયેળ પાણી અને છાશનું સેવન કરવું જોઇએ. છાશમાં લેક્ટિક એસિડ હોય છે જે ત્વચાની સાથે સાથે પાચન માટે પણ ખૂબ ફાયદાકારક હોય છે. આ ઉપરાંત નારિયેળ પાણી પીવાથી શરીરમાં પાણીની ઉણપ વર્તાતી નથી. તેમાં કેલ્શિયમ, કલોરાઇડ અને પોટેશિયમની ભરપુર માત્રા હોય છે.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team