🌱શું ઘરમાં છોડના ઉછેરમાં સમસ્યા થઈ રહી છે?? તો આ 7 સિક્રેટ થશે ઉપયોગી અને લીલાછમ દેખાશે છોડ

છોડ ઘરના વાતાવરણને જીવંત બનાવે છે. બાલ્કની કે ઘરના આંગણામાં લીલાછમ છોડની શોભાથી વિશેષ શું હોય શકે? ઘણીવાર લોકો પોતાના ઘરમાં છોડ ઉછેરવા તો માંગે છે પરંતુ પહેલો છોડ ચાર દિવસમાં જ કરમાય જાય છે ત્યારે બગીચાનો વિચાર જ મનમાંથી કાઢી નાખે છે.

તેવી જ રીતે અમુક લોકોના ઘરમાં છોડ ઉછેરેલા તો હોય છે પરંતુ શુષ્ક અને નિર્જીવ. આ રીતે ખાતર પાણી નાખવા છતાં પણ છોડને તેનું જરૂરી પોષણ મળતું નથી. જો તમને પણ આ જ સમસ્યા છે તો તમે યોગ્ય સ્થાન પર આવ્યા છો. છોડ સબંધિત ઘણા એવા રહસ્યો અને ઓછી જાણતી ટિપ્સ છે જેની મદદથી તમે તમારા ઘરે ખૂબ જ સરળતાથી ખીલેલા ફૂલ અને શાકભાજીના છોડ ઉગાડી શકો છો.

•ઘરમાં છોડ ઉગાડવા માટેની ટિપ્સ –

1. છોડ માટે ફળદ્રુપ માટી ની જરૂર હોય છે. તમે ઈંડા ઉકાળેલા પાણીને ફેકવાને બદલે છોડના મૂળમાં નાખવા માટે ઉપયોગ કરી શકો છો. ઈંડાના પાણીથી છોડને કેલ્સિયમ મળશે. આ બાબતનું ખાસ ધ્યાન રાખવું કે છોડને પાણી આપતાં પહેલાં તેને ઠંડુ કરી લો.

2. આ ઉપરાંત ઈંડા ની છાલ પણ છોડની માટી માટે ઉત્તમ ખાતર નું કાર્ય કરે છે. આમ પણ તે એક રીતે ફેંકી દેવાની વસ્તુ છે તો તમે નિશ્ચિત પણે આ છોડમાં નાખી શકો છો.

3. કેટલાક અભ્યાસો દ્વારા જાણવા મળ્યું છે કે જે બીજને માટીમાં રોપ્યા પછી એસ્પિરીન નું પાણી છાંટવામાં આવ્યું તેની ઉપજ ભરપુર જોવા મળી. તમે આ ફોર્મ્યુલા અજમાવી શકો છો.

4. ચાની ભૂકી અને ટી બેગ પણ માટે સારા ખાતરનું કામ કરે છે. ઘણા લોકો ચા બનાવ્યા પછી ગાળી નાખેલી ચાની ભૂકી પણ માટીમાં ભેળવે છે.

5. નાઇટ્રોજનની પૂર્તિ માટે પણ છોડમાં કોફી ગ્રાઉન્ડ નાખી શકો છો.

6. કેળાની છાલમાં કેલ્શિયમ, પોટેશિયમ અને ફોસ્ફરસની સારી માત્રા હોય છે તેને તમે માટીમાં માઇક્રો ન્યુટ્રાયન્સ તરીકે ઉમેરી શકો છો.

7. સમયાંતરે અને છોડની જરૂરિયાત મુજબ પાણી નાંખવું જરૂરી છે.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team