🧒બાળકો માટે ઉનાળાની રાજાઓનો સદુપયોગ, અજમાવો આ 6 સ્કીલ ટ્રેનિંગ જે જીવનભર થશે ઉપયોગી

ઉનાળાની રજાઓ મોટાભાગે બાળકો ફરવા અને ખેલ કુદમાં વિતાવે છે. હોમવર્ક, અસાઇનમેન્ટ અને પ્રોજેક્ટ પછી બાળકોનો બધો સમય રમતમાં જ પસાર થાય છે. કદાચ એટલે જ બાળકો પણ આખા વર્ષ દરમિયાન ઉનાળાના વેકેશનની રાહ જોતા હોય છે. જો તમે ઇચ્છો તો બાળકોને ઉનાળાના વેકેશનમાં આવી કેટલીક ટ્રેનિંગ આપી શકો છો, જે તેમને મજેદાર પણ લાગશે અને જીવનભર ઉપયોગમાં પણ આવશે. આ પ્રકારના ઉનાળાના વર્ગોમાં બાળકોને ખૂબ આનંદ પણ મળે છે અને તેઓને ઘણી નવી વસ્તુઓ પણ શીખવા મળે છે. આવો અમે તમને જણાવીએ કે બાળકો માટે કઇ સમર ટ્રેનિંગ ફાયદાકારક છે.

•સ્વિમિંગ ક્લાસ – સ્વિમિંગ એટલે તરવું એ એવી પ્રવૃત્તિ છે જેમાં બાળકોને મજેદાર લાગતી એક્ટિવીટી છે. તમે આ બાબત તો જાણો જ છો કે સ્વિમિંગ એ સંપૂર્ણ બોડી વર્કઆઉટ છે. તેથી જો બાળકો સ્વિમિંગ કરે છે, તો તેમને ખૂબ જ શારીરિક અને માનસિક લાભ મળે છે. ઉનાળામાં સ્વિમિંગ ક્લાસ કરવાથી બાળક પણ વ્યસ્ત રહેશે અને આ ટ્રેનિંગ તેને જીવનભર ઉપયોગી થશે.

Image Source

•રોબોટિક્સ અને કમ્પ્યુટર્સ – જો તમે બાળપણથી જ બાળકના મનમાં વિજ્ઞાન પ્રત્યે પ્રેમ કેળવવા માંગતા હોય તો તેને રોબોટિક્સ અને કોમ્પ્યુટરની ટ્રેનિંગ આપી શકો છો. આજકાલ આવી તાલીમ દરેક શહેરમાં સરળતાથી ઉપલબ્ધ છે. આમાં બાળકોને કોડિંગ દ્વારા નાના ઓટોમેટિક ઉપકરણો અને રોબોટ બનાવવાનું શીખવવામાં આવે છે. બાળકો માટે તે મજેદાર પણ હોય છે અને ધીમે ધીમે વિજ્ઞાન પ્રત્યેની તેમની રૂચી પણ વધતી જાય છે.

•યોગ અને ધ્યાન – તમે ઉનાળાની રજાઓમાં તમારા બાળકોને યોગ અને ધ્યાન માટે યોગ ક્લાસિસ પણ મોકલી શકો છો. યોગાસન જ્યાં બાળકોને શારીરિક રીતે સ્વસ્થ રાખશે તો ધ્યાન દ્વારા તેઓ માનસિક રીતે સ્વસ્થ રહેશે. તમને જાણીને નવાઈ લાગશે કે ભારતમાં 25 વર્ષથી વધુ ઉંમરના 74% લોકો તણાવ અથવા ડિપ્રેશનથી પીડિત છે. આવી સ્થિતિમાં, બાળકો માટે ધ્યાનની તાલીમ ખૂબ જ ફાયદાકારક સાબિત થઈ શકે છે. ધ્યાન કરવાથી તણાવ અને ચિંતા ક્યારેય નહીં થાય.

•કુકિંગ ક્લાસ – છોકરી હોય કે છોકરો રસોઈ બનાવતા દરેકને આવડવું જોઈએ. જો તમારી પાસે સમય હોય, તો તમારા બાળકને ઘરે જ રસોઈ શીખવો. જો તમારી પાસે સમય ન હોય તો તમે તેને કુકીંગ ક્લાસમાં મોકલી શકો છો. બાળકો જ્યારે નવી નવી વાનગીઓ શીખ્યા પછી તમને બનાવીને ખવડાવે છે, ત્યારે તમારાથી વધુ આનંદ તેમને મળશે.

Image Source

•લેન્ગવેજ ક્લાસ – જો તમારું બાળક થોડું મોટું છે, તો તમે તેને ભાષાના ક્લાસમાં પણ મોકલી શકો છો. બાળક તેની માતૃભાષા સિવાય જેટલી વધુ ભાષાઓ શીખશે તેટલી જ તેના ભવિષ્ય માટે ફાયદાકારક રહેશે. પ્રોફેશનલ તરીકે આગળનો સમય ઘણો પડકારજનક રહેવાનો છે. આવી સ્થિતિમાં,જે વ્યક્તિની પાસે જેટલી વધુ આવડત હશે અને જેટલી વધુ ભાષાઓ જાણશે, તેટલી જ તેને વધુ સફળતા મળશે. નવી ભાષા શીખવી એ પોતાનામાં જ રોમાંચક છે. જો બાળકનું અંગ્રેજી નબળું હોય તો અંગ્રેજીના ક્લાસ લો. આ સિવાય આજકાલ ફ્રેન્ચ, ઉર્દૂ, સ્પેનિશ વગેરે ભાષાઓનો પણ ટ્રેન્ડ વધી રહ્યો છે.

Image Source

•વ્યક્તિત્વ વિકાસ- શાળા, કોલેજ અને ઘરે બાળકોને પુસ્તકનું જ્ઞાન તો મળે જ છે, પરંતુ કેટલીકવાર તેમનામાં વ્યવહારિક જ્ઞાનની ઉણપ દેખાય છે. આ જ કારણ છે કે ઘણી વખત અભ્યાસમાં સારા હોવા છતાં પણ બાળકોને જીવનમાં સફળતા નથી મળતી. તેથી, તમારા બાળકની પર્સનાલિટી અને મનની શક્તિનો વિકાસ કરવા માટે, તમે તેને વ્યક્તિત્વ વિકાસના ક્લાસ પણ કરાવી શકો છો.

જો તમને આ માહિતી સારી લાગી હોય તો અમને કમેન્ટ સેકશન માં જરૂર જણાવજો.. આવી અવનવી માહિતી જાણવા માટે અમારું પેજ “ફક્ત ગુજરાતી” લાઈક કરો અને તમારા મિત્રો તથા સગા સંબંધીઓ સાથે શેર જરૂર કરવું.

નોંધ : આ લખાણ ની કોપી કરતા પહેલા અમારી લેખિત મંજૂરી લેવી જરૂરી છે.

Author: FaktGujarati Team